Page Text
________________ तृतीय वर्ग] [61 अभट्ठमि णं भंते ! निम्गंथं पावयणं / एवमेयं भंते ! तहमेयं भंते ! अवितहमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! से जहेयं तुन्भे वयह ! नवरि देवाणुप्पिया ! अम्मापियरो पापुच्छामि / तमो पच्छा मुंडे भवित्ता णं अगाराम्रो प्रणगारियं पव्वइस्सामि। अहासुहं देवाणुप्पिया ! मा पडिबधं करेहि / तए णं से गयसुकुमाले अरहं अरिट्टनेमि वंदइ नमसइ, वंदित्ता नमंसित्ता जेणामेव हस्थिरयणे तेणामेव उवागच्छइ, उवागच्छित्ता हस्थिखंधवरगए महयाभड—चडगर—पहकरेणं बारवईए नयरीए मझमझेणं जेणामेव सए भवणे तेणामेव उवागच्छइ, उवाच्छित्ता हत्थिखंधाओ पच्चोरहइ, पच्चोरहित्ता जेणामेव अम्मापियरो तेणामेव उवागच्छइ, उवागच्छित्ता अम्मापिऊणं पायवडणं करेइ, करित्ता एवं वयासी एवं खलु अम्मयानो ! मए अरहनो अरिट्टनेमिस्स अंतिए धम्मे निसंते, से वि य मे धम्मे इच्छिए पडिच्छिए अभिरुइए। तए णं तस्स गयसुकुमालस्स अम्मापियरो एवं वयासी धन्नोसि तुमं जाया ! संपुण्णोसि तुमं जाया ! कयत्थोसि तुमं जाया ! कयलक्खणोसि तुमं जाया ! जणं तुमे अरहो अरिष्टनेमिस्स अंतिए धम्मे निसंते से वि य ते धम्मे इच्छिए पडिच्छिए अभिरुइए। तए णं से गयसुकुमाले अम्मापियरो दोच्चं पि एवं वयासी-एवं खलु अम्मयाओ! मए अरहनो अरिष्टनेमिस्स अंतिए धम्मे निसंते, से वि य मे धम्मे इच्छिए पडिच्छिए अभिरुइए। तं इच्छामि णं अम्मयानो ! तुहि अब्भणुण्णाए समाणे अरहनो अरिट्टनेमिस्स अंतिए मुंडे भवित्ता णं अगारानो अणगारियं पव्वइत्तए / तए णं सा देवई देवी तं अणिटू अकंतं अप्पियं अमणणं अमणामं अस्सयपुवं फरुसं गिरं सोच्चा निसम्म इमेणं एयारवेणं मणोमाणसिएणं महया पुत्तदुक्खणं अभिभूया समाणी सेयागय-- रोमकूवपगलंत-चिलिणगाया' सोयभर-पवेवियंगी नित्त या दीण-विमण-वयणा करयलमालिय व्व कमलमाला तक्खणोलुग्गदुब्वलसरीर-लावण्णसुन्न-निच्छाय-गसिरीया पसिढिलभूसण-पडतखुम्मिय. संचुण्णियधवलवलय-पभट्ट-उत्तरिज्जा सूमालविकिण्ण-केसहत्था मुच्छावसनढचेय-गरुई परसुनियत्त व्व चंपगलया निव्वत्तमहे व्व इंदलट्ठी विमुक्कसंधि-बंधणा कोट्टिमलंसि सव्वंगेहि धसत्ति पडिया। तए णं सा देवई देवी ससंभमोवत्तियाए तुरियं कंचभिंगारमहविणिग्गय-सीयल-जलविमलधाराए परिसिंचमाणनिव्वावियगायलट्ठी उखेवय-तालविट-वीयणग-जणियवाएणं सफुसिएणं अंतेउरपरिजणेणं प्रासासिया समाणी मुत्तावलि-सन्निगास-पवडंत-अंसुधाराहि सिंचमाणी पोहरे, कलुणविमण-दोणा रोयमाणी कंदमाणी तिप्पमाणी सोयमाणी विलवमाणी गयसुकुमाल कुमारं एवं वयासी "तुमं सिणं जाया! अम्हं एगे पुत्ते इ8 कंते पिए मणुण्णे मणामे येज्जे वेसासिए सम्मए बहुमए अणुमए भंडकरंडगसमाणे रयणे रयणभूए जीविय-ऊसासिए हियय-णंदि-जणणे उंबरपुप्फ व दुल्लहे सवणयाए, किमंग पुण पासणयाए ? नो खलु जाया ! अम्हे इच्छामो खणमवि विप्पोगं सहित्तए / तं भुजाहि ताव जाया ! विपुले माणुस्सए कामभोगे जाव ताव वयं जीवामो ! तम्रो पच्छा अम्हेहि कालगएहि परिणयवए वढिय-कुलवंसतंतु-कज्जम्मि निरावयक्खे परहयो अरिट्रनेमिस्स अंतिए मुंडे भवित्ता अगारामो प्रणगारियं पव्वइस्ससि / 1. पाठान्तर-विलीणगाया Jain Education International For Private & Personal Use Only www.jainelibrary.org
| SR No. | 003476 |
| Book Title | Agam 08 Ang 08 Anantkrut Dashang Sutra Stahanakvasi |
| Original Sutra Author | N/A |
| Author | Madhukarmuni, Divyaprabhashreeji, Devendramuni, Ratanmuni, Kanhaiyalal Maharaj |
| Publisher | Agam Prakashan Samiti |
| Publication Year | 1981 |
| Total Pages | 249 |
| Language | Prakrit, Hindi |
| Classification | Book_Devnagari |
| File Size | 7 MB |