Page Text
________________ / 51 अष्टम अध्ययन ] वा गब्भं वक्कममाणंसि एएसि तीसाए महासुविणाणं इमे चोद्दस महासुविणे पासित्ता णं पडिबुझंति / तं जहा-- "गय-बसह-सीह-अभिसेय-दाम-ससि-दिणयरं झयं कुभं। पउमसर-सागर-विमाण-भवण-रयणुच्चय-सिहि च॥" वासुदेवमायरो वा वासुदेवंसि गम्भं वक्कममाणंसि एएसि चोद्दसण्हं महासुविणाणं अण्णयरे सत्त महासुविणे पासित्ता गं पडिबुझंति / बलदेवमायरो वा बलदेवंसि गम्भं वक्कममाणंसि एएसि चोद्दसण्हं महासुविणाणं अण्णयरे चत्तारि महासुविणे पासित्ता णं पडिबुज्झति / मंडलियमायरो वा मंडलियंसि गम्भं वक्कममाणंसि एसि चोद्दसण्हं महासुविणाणं अण्णयरे एगं महास विणं पासित्ता णं पडिबुज्झति / इमे य णं देवाणुप्पिया! देवईए देवीए एगे महास विणे दिठे, जाव प्रारोग्ग-तु०ि जाव मंगल्लकारए णं देवाणुप्पिया ! देवईए देवीए सविणे दिठे, अत्थलाभो देवाणुप्पिया ! भोगलाभो देवाणुप्पिया ! पुत्तलाभो देवाणुप्पिया! रज्जलामो देवाणुप्पिया ! एवं खलु देवाणुप्पिया ! देवई देवी णवण्हं मासाणं बहपडिपुग्णाणं जाव वीइक्कंताणं तुम्हें कुल केलं जाव पयाहिइ / से वियणं दारए लभावे जाव रज्जवई राया भविस्सइ, अणगारे वा भावियप्पा। तं मोराले णं देवाणुप्पिया ! देवईए देवीए स विणे दिठे, जाव प्रारोग्ग-तुठि-दीहाउन-कल्लाण जाव दिठे। तए णं से वस देवराया सुविणलक्खणपाढगाणं अंतिए एयमळं सोच्चा णिसम्म हट्टतुट्ठ० करयल जाव कटु ते सु विणलखणपाढगे एवं वयासी-"एवमेयं देवाणुप्पिया! जाव से जहेयं तुन्भे वयह" ति कटु स विणं सम्म पडिच्छइ, पडिच्छित्ता सुविगलक्षण] पाढया [विउलेणं असण-पाणखाइम-साइम-पुष्फ-वत्थ-गंध-मल्लालंकारेणं सक्कारेइ, सम्माणेइ, सक्कारित्ता, सम्माणित्ता विउलं जीवियारिहं पोइदाणं दलयइ, दलयित्ता पडिविसज्जेइ।] हट्ठहियया तं गन्भं सुहंसुहेणं परिवहइ / तए णं सा देवई देवी नवण्हं मासाणं पडिपुण्णाणं जास मण-रत्तबंधुजीवयलक्खारससरसपारिजातक-तरुणदिवायर-समप्पभं सव्वणयणकंत-सुकुमाल जाव [पाणिपायं अहीण-पडिपुग्णचिदिय-सरीरं लक्खण-बंजण-गुणोववेअं माणुम्माण-प्पमाण-पडिपुण्ण-स जाय-सव्वंग-संदरंगं ससिसोमाकार-कंत-पिय-दसणं] सरूवं गयतालुसमाणं दारयं पयाया। जम्मणं जहा मेहकुमारे जाव [तए णं तानो अंगपडियारिनो देवई देवि नवण्हं मासाणं जाव दारयं पयायं पास ति, पासित्ता सिग्धं तुरियं चवलं वेइयं, जेणेव वस देवे राया तेणेव उवागच्छंति, उवागच्छित्ता वसु देवं रायं जएणं विजएणं वद्धाति / वद्धावित्ता करयलपरिग्गहियं सिरसावत्तं मत्थए अंजलि कट्ठ एवं वयासी एवं खलु देवाणुप्पिया ! देवई देवी नवण्हं मासाणं जाव दारगं पयाया। तं गं अम्हे देवाणुप्पियाणं पियं णिवेएमो, पियं मे भवउ / तए णं से वस देवे राया तासि अंगपडियारियाणं अंतिए एयमट सोच्चा णिसम्म हठ्ठतुह० ताओ अंगपडियारियाओ महुरेहि वयहि विपुलेण य पुप्फगंधमल्लालंकारेणं सक्कारेइ, सम्भाणेइ, सक्कारिता सम्माणित्ता मत्थयधोयाप्रो करेइ, पुत्ताणुपुत्तियं वित्ति कप्पेइ, कम्पित्ता पडि विसज्जेइ / तए णं से वस देवे राया कोड बियपुरिसे सहावेइ, सद्दावित्ता एवं वयासी-खिप्पामेव भो देवाणुप्पिया ! बारवई नर आसित्त जाव परिगीयं करेह, करित्ता चारगपरिसोहणं करेह, करित्ता माणुम्माणवद्धणं करेह, करित्ता एयमाणत्तियं पच्चप्पिणह / जाव पच्चप्पिणंति / Jain Education International For Private & Personal Use Only www.jainelibrary.org
| SR No. | 003476 |
| Book Title | Agam 08 Ang 08 Anantkrut Dashang Sutra Stahanakvasi |
| Original Sutra Author | N/A |
| Author | Madhukarmuni, Divyaprabhashreeji, Devendramuni, Ratanmuni, Kanhaiyalal Maharaj |
| Publisher | Agam Prakashan Samiti |
| Publication Year | 1981 |
| Total Pages | 249 |
| Language | Prakrit, Hindi |
| Classification | Book_Devnagari |
| File Size | 7 MB |