Page Text
________________ प्रथम अध्ययन : गाथापति आनन्द] [21 मेहुणे परिग्गहे / अत्यि कोहे, माणे, माया, लोभे जाव (पेज्जे, दोसे, कलहे, अब्भक्खाणे, पेसुन्ने, परपरिवाए अरइरई, मायामोसे,) मिच्छा-दंसण-सल्ले, अत्थि पाणाइवाय-वेरमणे, मुसावाय-वेरमणे, अविण्णादाण-वेरमणे, मेहण-वेरमणे, परिग्गह-बेरमणे जाव मिच्छा-वंसण-सल्ल-विवेगे / सव्वं अस्थिभावं अस्थित्ति बयति, सव्वं णस्थि-भावं णस्थित्ति वयति, सुचिण्णा कम्मा सुचिण्ण-फला भवंति, दुच्चिण्णा कम्मा दुच्चिण्णफला भवंति, फुसइ पुग्ण-पावे, पच्चायति जीवा, सफले कल्लाण-पावए। धम्ममाइक्खइ-इणमेव निग्गंथे पावयणे सच्चे, अणुत्तरे, केवलिए, संसुद्ध, पडिपुण्णे, याउए, सल्लकत्तणे, सिद्धिमग्गे, मुत्तिमग्गे णिज्जाणमग्गे, णिन्वाणमग्गे, अवितहमविसंधि सव्वदुक्खप्पहीण-मग्गे / इहट्ठिया जीवा सिझंति बुझंति मुच्चंति परिणिव्वायंति सव्वदुक्खाणमंतं करेति / एगच्चा पुण एगे भयंतारो पुव-कम्मावसेसेण अण्णयरेसु देवलोएसु देवत्ताए उववत्तारो भवंति, महिड्डिएसु जाव महासुक्खेसु दूरंगइएसु चिरPिइएसु / तेणं तत्थ देवा भवंति महिड्डिया जाव चिरछिइया हार-विराइयवच्छा जाव पभासेमाणा, कप्पोवगा गतिकल्लाणा ठिइकल्लाणा आगमेसि भद्दा जाव पडिख्वा तमाइक्खइ। एवं खलु चहिं ठाणेहि जीवा रइयत्ताए कम्मं पकरेंति, रइयत्ताए कम्म पकरेत्ता गेरइएसु उववति , तं जहा- महारंभयाए, महापरिग्गयाए, पंचिदियवहेणं, कुणिमाहारेणं / एवं एएणं अभिलावेणं तिरिक्ख-जोणिएसु माइल्लयाए, णियडिल्लयाए, अलियक्यणेणं, उक्कंचणाए, वंचणयाए / मणुस्सेसु पगइभद्दयाए, पगइविणीययाए, साणुक्कोसयाए अमच्छरियाए / देवेसु सरागसंजमेणं, संजमासंजमेणं, अकामणिज्जराए, बालतवो-कम्मेणं / तमाइक्खइ जह णरगा गम्मंति, जे गरगा जाय-वेयणा गरए। सारीर-माणसाइं, दुक्खाई तिरिक्खजोणीए // माणुस्सं च अणिच्चं, वाहि-जरा-मरण-वेयणा-परं / देवे य देवलोए, देवति देव-सोक्खाई॥ परगं तिरिक्खजोणि, माणुसभावं च देवलोगं च / सिद्धे य सिद्ध-वसहि, छज्जीवणियं परिकहेइ // जह जीवा बज्झति, मुच्चंति जह य परिकिलिस्संति / जह दुक्खाणं अंतं, करेंति केई य अपडिबद्धा // अट्ट-वुहट्टिय-चित्ता, जह जीवा दुक्ख-सागरमुर्वेति / जह वेरग्गमुवगया, कम्म-समुग्गं विहार्डेति // जह रागेण कडाणं, कम्माणं पावओ फल-विवागो। जह य परिहीणकम्मा, सिद्धा सिद्धालयमुर्वेति // तमेव धम्मं दुविहं आइक्खइ, तं जहा–अगार-धम्मं अणगार-धम्मं च / अणगार-धम्मो ताव इह खलु सव्वओ सम्वत्ताए मुंडे भवित्ता अगाराओ अणगारियं पचयइ, सव्वाओ पाणाइबायाओ वेरमणं, सव्वाओ मसा-वायाओ वेरमणं. सव्वाओ अदिण्णादाणाओ वेरमणं. वेरमणं, सव्वाओ परिग्गहाओ वेरमणं, सव्वाओ राइ-भोयणाओ वेरमणं / अयमाउसो ! अणगारसामाइए धम्मे पण्णत्ते, एयस्स धम्मस्स सिक्खाए उवट्रिए निग्गंथे वा निग्गंथी वा विहरमाणे आणाए आराहए भवइ। Jain Education International For Private & Personal Use Only www.jainelibrary.org
| SR No. | 003475 |
| Book Title | Agam 07 Ang 07 Upashak Dashang Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Trilokmuni, Devendramuni, Ratanmuni |
| Publisher | Agam Prakashan Samiti |
| Publication Year | 1989 |
| Total Pages | 276 |
| Language | Prakrit, Hindi |
| Classification | Book_Devnagari |
| File Size | 8 MB |