________________
आनुपूर्वीनिरूपण
१०१ से किं तं संगहस्स अणोवणिहिया खेत्ताणुपुव्वी ?
संगहस्स अणोवणिहिया खेत्ताणुपुव्वी पंचविहा पण्णत्ता, तं जहा—अत्थपयपरूवणया १, भंगसमुक्कित्तणया २, भंगोवदंसणया ३, समोयारे ४, अणुगमे ५।
से किं तं संगहस्स अत्थपयपरूवणया ?
संगहस्स अत्थपयपरूवणया तिपएसोगाढे आणुपुव्वी चउप्पएसोगाढे आणुपुव्वी, जाव दसपएसोगाढे आणुपुव्वी, संखिज्जपएसोगाढे आणुपुव्वी, असंखिज्जपएसोगाढे आणुपुव्वी, एगपएसोगाढे अणाणुपुव्वी, दुप्पएसोगाढे अवत्तव्वए। से तं संगहस्स अत्थपयपरूवणया ।
एयाए णं संगहस्स अत्थपयपरूवणयाए किं पओयणं ? संगहस्स अत्थपयपरूवणयाए संगहस्स भंगसमुक्कित्तणया कज्जइ। से किं तं संगहस्स भंगसमुक्कित्तणया ?
संगहस्स भंगसमुक्कित्तणया अत्थि आणुपुव्वी, अत्थि अणाणुपुव्वी, अत्थि अवत्तव्वए । अहवा अत्थि आणुपुव्वी अणाणुपुव्वी य, एवं जहा दव्वाणुपुव्वीए संगहस्स तहा भाणियव्वं जाव से तं संगहस्स भंगसमुक्कित्तणया। एयाए णं संगहस्स भंगसमुक्कित्तणयाए किं पयोयणं? ।
एयाए णं संगहस्स भंगसमुक्कित्तणयाए संगहस्स भंगोवदंसणया कज्जइ। से किं तं संगहस्स भंगोवदंसणया?
संगहस्स भंगोवदंसणया तिप्पएसोगाढे आणुपुव्वी, एगपएसोगाढे अणाणुपुव्वी, दुप्पएसोगाढे अवत्तव्वए। अहवा तिप्पएसोगाढे य एगपएसोगाढे य आणुपुव्वी य अणाणुपुव्वी य, एवं जहा दव्वाणुपुव्वीए संगहस्स तहा खेत्ताणुपुव्वीए वि भाणियव्वं जाव से तं संगहस्स भंगोवदंसणया।
से किं तं समोयारे ? समोयारे संगहस्स आणुपुव्वीदव्वाइं कहिं समोयरंति ? किं आणुपुव्वीदव्वेहिं समोयरंति ? अणाणुपुव्वीदव्वेहिं ? अवत्तव्वगदव्वेहिं ? तिण्णिवि सट्ठाणे समोयरंति। से तं समोयारे।
से किं तं अणुगमे ? अणुगमे अट्ठविहे पण्णत्ते, तं जहा–संतपयपरूवणया जाव अप्पाबहुं नत्थि। संगहस्स आणुपुव्वीदव्वाइं किं अत्थि णत्थि ?
णियमा अत्थि। एवं तिण्णि वि सेसगदाराइं जहा दव्वाणुपुव्वीए संगहस्स तहा खेत्ताणुपुव्वीए वि भाणियव्वाइं जाव से तं अणुगमे । से तं संगहस्स अणोवणिहिया खेत्ताणुपुव्वी। से तं अणोवणिहिया खेत्ताणुपुव्वीं। ___ इन सूत्रों का अर्थ—पूर्वोक्त द्रव्यानुपूर्वीगत पाठ की तरह जानना चाहिए।
अब क्षेत्रानुपूर्वी के दूसरे भेद औपनिधिकी क्षेत्रानुपूर्वी की प्ररूपणा प्रारम्भ करते हैं। इसके दो प्रकार हैंविशेष और सामान्य । बहुवक्तव्य होने से पहले विशेषापेक्षया वर्णन करते हैं। औपनिधिकी क्षेत्रानुपूर्वी की विशेष प्ररूपणा
१६०. से किं तं ओवणिहिया खेत्ताणुपुव्वी ? ।
ओवणिहिया खेत्ताणुपुव्वी तिविहा पण्णत्ता । तं जहा—पुव्वाणुपुव्वी १ पच्छाणुपुव्वी २ अणाणुपुव्वी ३ ।
[१६० प्र.] भगवन् ! औपनिधिको क्षेत्रानुपूर्वी का क्या स्वरूप है ?
