________________
दूसरी दश
इक्कीस शबल दोष
सुयं मे आउसं ! तेणं भगवया एवमक्खायंइह खलु थेरेहिं भगवंतेहिं एगवीसं सबला पण्णत्ता। प०-कयरे खलु ते थेरेहिं भगवंतेहिं एगवीस सबला पण्णत्ता।। उ०-इमे खलु ते थेरेहिं भगवंतेहिं एगवीसं सबला पण्णत्ता, तं जहा
१. हत्थकम्मं करेमाणे सबले, २. मेहुणं पडिसेवमाणे सबले, ३. राइ-भोअणं भुंजमाणे सबले, ४. आहाकम्मं भुंजमाणे सबले, ५. रायपिंडं भुंजमाणे सबले, ६. उद्देसियं वा, कीयं वा, पामिच्चं वा, आच्छिजं वा, अणिसिठं वा, अभिहडं आहटु दिजमाणं वा भुंजमाणे सबले, ७. अभिक्खणं-अभिक्खणं पडियाइक्खित्ताणं जमाणे सबले, ८. अंतो छण्हं मासाणं गणाओ गणं संगममाणे सबले, ९. अंतो मासस्स तओ दगलेवे करेमाणे सबले, १०.अंतो मासस्स तओ माइट्ठाणे करेमाणे सबले, ११. सागारियपिंडं भुंजमाणे सबले, १२. आउट्टियाए पाणाइवायं करेमाणे सबले, १३. आउट्टियाए मुसावायं वयमाणे सबले, १४. आउट्टियाए अदिण्णादाणं गिण्हमाणे सबले, १५. आउट्टियाए अणंतरहिआए पुढवीए ठाणं वा, सेजं वा, निसीहियं वा चेएमाणे सबले, १६. आउट्टियाए ससणिद्धाए पुढवीए, ससरक्खाए पुढवीए ठाणं वा, सेजं वा, णिसीहियं वा चेएमाणे सबले, १७. आउट्टियाए चित्तमंताए सिलाए, चित्तमंताए लेलुए, कोलावासंसि वा दारुए जीवपइट्ठिए, स-अंडे, स-पाणे, स-बीए, स-हरिए, स-उस्से, स-उदगे, स-उत्तिंगे पणग-दग मट्टीए, मक्कडा-संताणए ठाणं वा, सिजं वा, निसीहियं वा चेएमाणे सबले, १८. आउट्टियाए मूलभोयणं वा, कंद-भोयणं वा, खंध-भोयणं वा, तया-भोयणं वा, पवाल-भोयणं वा, पत्तभोयणं वा, पुष्फ-भोयणं वा, फल-भोयणं वा, बीय-भोयणं वा, हरिय-भोयणं वा भुंजमाणे सबले, १९. अंतो संवच्छरस्स दस दग-लेवे करेमाणे सबले, २०. अंतो संवच्छरस्स दस माइट्ठाणाई करेमाणे सबले, २१. आउट्टियाए सीओदग वग्धारिय-हत्थेण वा मत्तेण वा, दव्वीए वा, भायणेण वा असणं वा, पाणं वा, खाइमं वा, साइमं वा पडिगाहित्ता भुंजमाणे सबले।'
एते खलु ते थेरेहिं भगवंतेहिं एगवीसं सबला पण्णत्ता-त्ति बेमि॥
हे आयुष्मन् ! मैंने सुना है कि उन निर्वाण प्राप्त भगवान् महावीर ने ऐसा कहा है-इस आर्हत् प्रवचन में स्थविर भगवन्तों ने इक्कीस शबल दोष कहे हैं।
प्रश्न-स्थविर भगवन्तों ने वे इक्कीस शबल दोष कौन से कहे हैं? १. सम. सम. २१ सु. १
