________________
दसवीं दशा
भगवान् महावीर का राजगृह में आगमन
।
ते काणं तेणं समएणं रायगिहे नामं नयरे होत्था । वण्णओ । गुणसिलए चेइए । वणओ । रायगिहे नयरे सेणिए राया होत्था । रायवण्णओ जाव' चेलणाए सद्धिं भोगे भुंजमाणे विहर। तए तं से सेणिए राया अण्णया कयाइ ण्हाए जाव' कप्परुक्खए चेव सुअलंकियविभूसिए रिंदे। सकोरंट-मल्ल दामेणं छत्तेणं धरिज्जमाणेणं जावरे ससिव्व पियदंसणे नरवई जेणेव बाहिरिया उवट्ठाणसाला, जेणेव सिंहासणे तेणेव उवागच्छइ, उवागच्छित्ता सिंहासणवरंसि पुरत्थाभिमु निसीयइ, निसीइत्ता कोडुंबियपुरिसे सद्दावेइ, सद्दावित्ता एवं वयासी
'गच्छह णं तुम्हे देवाणुप्पिया!' जाई इमाई रायगिहस्स णयरस्स बहिया आरामाणि य, उज्जाणाणि य, आएसणाणि य जाव' दब्भकम्मंताणि जे तत्थ महत्तरगा आणत्ता चिट्ठति ते एवं
वदह
' एवं खलु देवाणुप्पिया! सेणिए राया भंभसारे आणवेइ - जया णं समणे भगवं महावीरे, आदिगरे, तित्थयरे जाव' संपाविउकामे पुव्वाणुपुव्विं चरमाणे, गामाणुगामं दूइज्जमाणे, सुहं सुहेणं विहरमाणे, संजमेण तवसा अप्पाणं भावेमाणे इहमागच्छेज्जा, तया णं तुम्हे भगवओ महावीरस्स अहापडिरूवं उग्गहं अणुजाणह, अहापडिरूवं उग्गहं अणुजाणेत्ता सेणियस्स रण्णो भंभसारस्स | एयमट्ठ पियं णिवेदह । '
तणं ते कोडुंबियपुरिसे सेणिएणं रन्ना भंभसारेणं एवं वुत्ता समाणा हट्ठ-तुट्ठचित्तमाणंदिया पीड्मणा परमसोमणस्सिया हरिसवसविसप्पमाणहियया करयलपरिग्गहियं सिरसावत्तं मत्थए अंजलिं कट्टु – ' एवं सामी! तह त्ति' आणाए विणएणं वयणं पडिसुर्णेति । पडिणित्ता सेणियस्स रन्नो अंतियाओ पडिनिक्खमंति, पडिनिक्खमित्ता रायगिहं नयरं मज्झंमज्झेणं निग्गच्छंति, निग्गच्छित्ता जाईं इमाई रायगिहस्स बहिया आरामाणि वा जाव जे तत्थ
-
१. उववाईसूत्र सु. ११
२. ज्ञाता. अ. १, सु. ४६, पृ. ९४ अंगसुत्ताणि
३. उववाईसूत्र सु. ४८
४. आचा. श्रु. २, अ. २, उ. २
५. उववाईसूत्र सु. १६
