________________
नवमी दशा]
[७५
१८. उवट्ठियं पडिविरयं, संजयं सुतवस्सियं।
विउक्म्म धम्माओ भंसेइ, महामोहं पकुव्वइ॥ १९. तहेवाणंत-णाणीणं, जिणाणं वरदंसिणं।
तेसिं अवण्णवं बाले, महामोहं पकुव्वइ॥ २०. नेयाइअस्स मग्गस्स, दुढे अवयरइ बहुं।
तं तिप्पयन्तो भावेइ, महामोहं पकुव्वइ॥ आयरिय-उवज्झाएहि, सुयं विणयं च गाहिए।
ते चेव खिंसइ बाले, महामोहं पकुव्वइ॥ २२. आयरिय-उवज्झायाणं, सम्मं नो पडितप्पइ।
अप्पडिपूयए थद्धे, महामोहं पकुव्वइ॥ २३. अबहुस्सुए य जे केई, सुएणं पविकत्थइ।
सज्झाय-वायं वयइ, महामोहं पकुव्वइ॥ २४. अतवस्सिए जे केई, तवेण पविकत्थइ।
सव्वलोयपरे तेणे, महामोहं पकुव्वइ॥ २५. साहारणट्ठा जे केइ, गिलाणम्मि उवट्ठिए।
पभू न कुणइ किच्चं, मझपि से न कुव्वइ॥ सढे नियडी-पण्णाणे, कलुसाउलचेयसे।
अप्पणो य अबोहीए, महामोहं पकुव्वइ॥ २६. जे कहाहिगरणाई, संपउंजे पुणो-पुणो।
सव्व तित्थाण-भेयाए, महामोहं पकुव्वइ ॥ २७. जे य आहम्मिए जोए, संपउंजे पुणो पुणो।
सहा-हेउं सही-हेडं, महामोहं पकुव्वइ॥ २८. जे य माणुस्सए भोए, अदुवा पारलोइए।
तेऽतिप्पयंतो आसयइ, महामोहं पकुव्वइ। २९. इड्डी जुई जसो वण्णो, देवाणं बलवीरियं।
तेसिं अवण्णवं बाले, महामोहं पकुव्वइ॥
