________________
७४]
[दशाश्रुतस्कन्ध
८. धंसेइ जो अभूएणं, अकम्मं अत्तकम्मुणा।
अदुवा तुमकासित्ति, महामोहं पकुव्वइ॥ ९. जाणमाणो परिसाए, सच्चामोसाणि भासए।
अक्खीण-झंझे पुरिसे, महामोहं पकुव्वइ॥ १०. अणायगस्स नयवं, दारे तस्सेव धंसिया।
विउलं विक्खोभइत्ताणं, किच्चा णं पडिबाहिरं॥ उवगसंतंपि झंपित्ता, पडिलोमाहिं वग्गुहिं।
भोग-भोगे वियारेइ, महामोहं पकुव्वइ॥ ११. अकुमारभूए जे केई, कुमार-भूए-त्ति हं' वए।
इत्थी-विसय सेवी य, महामोहं पकुव्वइ॥ १२. अबंभयारी जे केई, 'बंभयारी त्ति हं' वए।
गद्दहेव्व गवां मज्झे, विस्सरं नयइ नदं॥ अप्पणो अहिए बाले, मायामोसं बहुं भसे।
इत्थी-विसय-गेहिय, महामोहं पकुव्वइ॥ १३. जं निस्सिए उव्वहइ, जस्साहिगमेण वा।
__ तस्स लुब्भइ वित्तंसि, महामोहं पकुव्वइ॥ १४. ईसरेण अदुवा गामेणं, अणीसरे ईसरीकए।
तस्स संपय-हीणस्स, सिरी अतुलमागया॥ इस्सा-दोसेण आविट्ठे, कलुसाविल-चेयसे।
जे अंतरायं चेएइ, महामोहं पकुव्वइ॥ १५. सप्पी जहा अंडउडं, भत्तारं जो विहिंसइ।
सेनावई पसत्थारं, महामोहं पकुव्वइ॥ १६. जे नायगं च रहस्स, नेयारं निगमस्स वा।
सेटुिं बहुरवं हंता, महामोहं पकुव्वइ॥ १७. बहुजणस्स णेयारं, दीवं ताणं च पाणिणं।
एयारिसं नरं हता, महामोहं पकुव्वइ॥
