________________
नवमी दशा
महामोहनीय कर्म-बंध के तीस स्थान
तेणं कालेणं तेणं समएणं चंपा नामं नयरी होत्था। वण्णओ। पुण्णभद्दे नाम चेइए। वण्णओ।कोणिय राया।धारिणी देवी।सामी समोसढे। परिसा निग्गया।धम्मो कहिओ।परिसा पडिगया।
'अजो!' ति समणे भगवं महावीरे बहवे निग्गंथा य निग्गंथीओ य आमंतेत्ता एवं वयासी
‘एवं खलु अजो! तीसं मोहणिजठाणाइं जाइं इमाइं इत्थी वा पुरिसो वा अभिक्खणंअभिक्खणं आयारेमाणे वा, समायारेमाणे वा मोहणिजत्ताए कम्मं पकरेइ', तं जहा
१. जे केइ तसे पाणे, वारिमझे विगाहिआ।
उदएणाऽक्कम्म मारेइ, महामोहं पकुव्वइ॥ २. पाणिणा संपिहित्ताणं, सोयमावरिय पाणिणं।
अंतो नदंतं मारेइ, महामोहं पकुव्वइ॥ ३. जायतेयं समारब्भ, बहुं ओलंभिया जणं।
अंतो धूमेण मारेइ, महामोहं पकुव्वइ॥ ४. सीसम्मि जो पहणइ, उत्तमंगम्मि चेयसा।
विभज मत्थयं फाले, महामोहं पकुव्वइ॥ ५. सीसं वेढेण जे केइ, आवेढेइ अभिक्खणं।
तिव्वासुभ-समायारे, महामोहं पकुव्वइ॥ ६. पुणो-पुणो पणिहीए, हणित्ता उवहसे जणं।
फलेण अदुव दंडेणं, महामोहं पकुव्वइ॥ ७. गूढायारी निगूहिज्जा, मायं मायाए छायए।
असच्चवाई णिण्हाइ, महामोहं पकुव्वइ॥
