________________
छठी दशा]
[४१ सेणं एगराइयंकाउस्सग्गपडिमै सम्म अणुपालित्ता भवइ।सेणं असिणाणए, वियडभोई, मउलिकडे, बंभयारी य नो भवइ।
सेणं एयारूवेणं विहारेणं विहरमाणे जहण्णेणं एगाहं वा, दुयाहं वा, तियाहं वा, जाव उक्कोसेणं पंच मासं विहरइ, पंचमा उवासगपडिमा।
अहावराछट्ठा उवासगपडिमा-सव्वधम्मरुईयावि भवइजावसेणं एगराइयंकाउस्सग्गपडिमंसम्म अणुपालित्ता भवइ।सेणं असिणाणए, वियडभोई, मउलिकडे, बंभयारी यावि भवइ।
सचित्ताहारे से अपरिणाए भवइ।सेणं एयारूवेण विहारेणं विहरमाणे जहण्णेणंएगाहं वा, दुआहं वा, तिआहं वा जाव उक्कोसेणं छम्मासे विहरेजा, छट्ठा उवासगपडिमा।
अहावरा सत्तमा उवासगपडिमा-सव्वधम्मरुई यावि भवइ जावबंभयारी यावि भवइ।
सच्चित्ताहारे से परिणाए भवति।आरंभेसे अपरिण्णए भवति।सेणं एयारूवेणं विहारेणं विहरमाणे जहण्णेणं एगाहं वा, दुआई वा, तिआहे वा जाव उक्कोसेणं सत्तमासे विहरेजा, सत्तमा उवासगपडिमा।
अहावरा अट्ठमा उवासगपडिमा-सव्वधम्मरुई यावि भवइ जाव बंभयारी यावि भवइ। सचित्ताहारे से परिण्णाए भवइ। आरम्भे से परिणाए भवइ। पेसारंभे से अपरिणाए भवइ। से णं एयारूवेणं विहारेणं विहरमाणे जहण्णेणं एगाहं वा, दुआई वा, तिआहे वा जाव उक्कोसेणं अट्ठमासे विहरेजा, अट्ठमा उवासगपडिमा।
अहावरा नवमा उवासगपडिमा-सव्वधम्मरुई यावि भवइ जाव बंभयारी यावि भवइ।
सचित्ताहारे से परिणाए भवइ।आरंभेसे परिणाए भवइ ।पेसारंभे से परिणाए भवइ। उद्दिट्ठभत्ते से अपरिणाए भवइ।सेणं एयारूवेणं विहारेणं विहरमाणे जहण्णेणं एगाहं वा, दुआहं वा, तिआहं वा जाव उक्कोसेणं नवमासे विहरेज्जा, नवमा उवासगपडिमा।
अहावरा दसमा उवासगपडिमा-सव्वधम्मरुई यावि भवइ जाव उद्दिट्ठभत्ते से परिणाए भवइ। से णं खुरमुंडए वा, सिहाधारए वा, तस्स णं आभट्ठस्स वा समाभट्ठस्स वा कप्पंति दुवे भासाओ भासित्तए, तं जहा
१. जाणं वा जाणं, २. अजाणं वा णो जाणं।
से णं एयारूवेण विहारेण विहरमाणे जहण्णेणं एगाहं वा, दुआई वा, तिआहे वा जाव उक्कोसेणं दस मासे विहरेजा, दसमा उवासगपडिमा।
अहावरा एकादसमा उवासगपडिमा-सव्वधम्मरुई यावि भवइ जाव उद्दिट्ठभत्ते से परिणाए भवइ।
सेणं खुरमुंडए वा, लुंचसरिए वा, गहियायारभंडगनेवत्थे, जारिसे समणाणं निग्गंथाणं धम्मे पण्णत्ते तं सम्मकाएणं फासेमाणे, पालेमाणे, पुरओ जुगमायाए पेहमाणे, दळूण तसे पाणे,
