________________
छठी दशा
ग्यारह उपासक-प्रतिमाएँ
सुयं मे आउसं! तेणं भगवया एवमक्खायं-इह खलु थेरेहिं भगवंतेहिं एक्कारस उवासगपडिमाओ पण्णत्ताओ।
प०-कयराओ खलु ताओ थेरेहिं भगवंतेहिं एक्कारस उवासगपडिमाओ पण्णत्ताओ? उ०-इमाओ खलु ताओ थेरेहिं भगवंतेहिं एक्कारस उवासगपडिमाओ पण्णत्ताओ तं
जहा
१. दंसण-पडिमा, २. वय-पडिमा, ३. सामाइय-पडिमा, ४. पोसह-पडिमा, ५. काउस्सग्ग-पडिमा, ६.बंभचेर-पडिमा, ७. सचित्तपरिण्णाय-पडिमा, ८.आरंभपरिण्णायपडिमा, ९. पेसपरिणय-पडिमा, १०. उहिट्ठभत्तपरिण्णाय-पडिमा, ११. समणभूय-पडिमा।
तत्थ खलु इमा पढमा उवासगपडिमा-सव्वधम्मरुई यावि भवति। तस्स णं बहूइं सीलवयगुणवयवेरमणपच्चक्खाणपोसहोववासाइं नो सम्मं पट्टवियाई भवंति, पढमा उवासगपडिमा।
अहावरा दोच्चा उवासगपडिमा-सव्वधम्मरुई यावि भवइ, तस्स णं बहूई सीलवयगुणवयवेरमणपच्चक्खाणपोसहोववासाइं सम्मं पट्टवियाइं भवंति, से णं सामाइयं देसावगासियं नो सम्म अणुपालित्ता भवइ, दोच्चा उवासगपडिमा।
अहावरा तच्चा उवासगपडिमा-सव्वधम्मरुई यावि भवइ, तस्स णं बहूई सीलवयगुणवयवेरमणपच्चक्खाणपोसहोववासाइं सम्मं पट्ठवियाइं भवंति। से णं सामाइयं देसावगासियं सम्मं अणुपालित्ता भवइ, सेणंचउद्दसट्ठमुदिट्ठपुण्णमासिणीसु पडिपुण्णं पोसहोववासं नो सम्मं अणुपालित्ता भवइ, तच्चा उवासगपडिमा।
अहावरा चउत्था उवासग पडिमा-सव्वधम्मरुई यावि भवइ, तस्स णं बहूई सीलवयगुणवयवेरमणपच्चक्खाणपोसहोववासाई सम्मं पट्टवियाई भवंति। से णं सामाइयं देसावगासियंसम्मं अणुपालित्ता भवइ।सेणंचउद्दसट्ठमुट्ठिपुण्णमासिणीसुपडिपुण्णं पोसहोववासं सम्मं अणुपालित्ता भवइ। से णं एगराइयं काउस्सगपडिमं नो सम्मं अणुपालित्ता भवइ। चउत्था उवासगपडिमा।
अहावरा पंचमा उवासगपडिमा-सव्वधम्मरुई यावि भवइ। तस्स णं बहूई सीलवयगुणवयवेरमणपच्चक्खाणपोसहोववासाइं सम्मं पट्टवियाई भवंति।से णं सामाइयं देसावगासियं सम्मं अणुपालित्ता भवइ ।सेणं चउद्दसट्टट्ठिपुण्णमासिणीसु पडिपुण्णं पोसहोववासं सम्मं अणुपालित्ता भवइ।
