________________
पांचवीं दशा]
[३५ ७. मणपजवनाणेवाअसमुप्पण्णपुव्वे समुप्पज्जेजा अंतो मणुस्सखित्तेसु अड्डा
सइजेसुदीवसमुहेसुसण्णीणं पंचिंदियाणं पजत्तगाणं मणोगए भावे जाणित्तए। ८. केवलणाणे वा से असमुप्पण्णपुव्वे समुप्पज्जेजा, केवलकप्पं लोयालोयं
जाणित्तए। केवलदंसणे वा से असमुप्पण्णपुव्वे समुप्पजेजा, केवलकप्पं लोयालोयं पासित्तए। केवलमरणे वा से असमुप्पण्णपुव्वे समुप्पजेजा सव्वदुक्खपहीणाए। गाहाओ
ओयं चित्तं समादाय, झाणं समणुपस्सइ। धम्मे ठिओ अविमाणो, निव्वाणमभिगच्छइ॥१॥ णं इमं चित्तं समादाय, भुजो लोयंसि जायइ। अप्पणो उत्तमं ठाणं, सण्णीणाणेण जाणइ॥२॥ अहातच्चं तु सुमिणं, खिप्पं पासेइ संवुडे । सव्वं वा ओहं तरति, दुक्खाओ य विमुच्चइ॥ ३ ॥ पंताई भयमाणस्स, विवित्तं सयणासणं। अप्पहारस्स दंतस्स, देवा दंसेंति ताइणो॥४॥ सव्वकाम-विरत्तस्स, खमतो भय-भेरवं। तओ से ओहि भवइ, संजयस्स तवस्सिणो॥५॥ तवसा अवहड-लेस्सस्स, दंसणं परिसुज्झइ। उड्ढं अहे तिरियं च, सव्वं समणुपस्सति ॥६॥ सुसमाहियलेस्सस्स, अवितक्कस्स भिक्खुणो। सव्वतो विप्पमुक्कस्स, आया जाणाइ पज्जवे॥७॥ जया से णाणावरणं, सव्वं होई खयं गयं। तया लोगमलोगं च, जिणो जाणति केवली॥ ८॥ जया से दंसणावरणं, सव्वं होइ खयं गयं। तया लोगमलोगं च, जिणो पासति केवली॥९॥ पडिमाए विसुद्धाए, मोहणिज्जे खयं गए। असेसं लोगमलोगं च, पासेति सुसमाहिए॥१०॥ जहा मत्थए सूइए हताए हम्मइ तले। एवं कम्माणि हम्मंति, मोहणिजे खयं गए॥११॥
