________________
[२६१
चतुर्थ वक्षस्कार ]
गोयमा ! उत्तरकुराए दक्खिणेणं, देवकुराए उत्तरेणं, पुव्वविदेहस्स वासस्स पच्चत्थिमेणं, अवरविदेहस्स वासस्स पुरत्थिमेणं, जम्बुद्दीवस्स बहुमज्झदेसभाए एत्थ णं ज्मबुद्दीवे दीवे मन्दरे णामं पव्वर पण्णत्ते । णवणउतिजोअणसहस्साइं उद्धं उच्चत्तेणं, एगं जोअणसहस्सं उव्वेहेणं, मूले दसजोअणसहस्साइं णवइं च जोअणाई दस य एगारसभाए जोअणस्स विक्खम्भेणं, धरणितले दस जोअणसहस्साइं विक्खम्भेणं, तयणन्तरं च णं मायाए २ परिहायमाणे परिहायमाणे उवरितले एगं जोअणसहस्सं विक्खंभेणं । मूले इक्कत्तीसं जो अणसहस्साइं णव य दसुत्तरे जोअणसए तिण्णि अ एगारसभाए जोअणस्स परिक्खेवेणं, धरणितले एकत्तीस जोअणसहस्साइं छच्च तेवीसे जोअणसए परिक्खेवेणं, उवरितले, तिणि जोअणसहस्साइं एगं च बावट्टं जोअणसयं किंचिविसेसाहिअं परिक्खेवेणं । मूले वित्थिण्णे, मज्झे संखित्ते, उवरिं तणुए, गोपुच्छसंठाणसंठिए, सव्वरयणामए, अच्छे, सहेत्ति । सेणं एगाए पउमवरवेइआए एगेण य वणसंडेणं सव्वओ समन्ता संपरिक्खित्ते वण्णओत्ति ।
मन्दरे णं भंते ! पव्वए कइ वणा पण्णत्ता ?
गोयमा ! चत्तारि वणा पण्णत्ता, तं जहा भद्दसालवणे १, णंदणवणे २, सोमणसवणे ३, पंडगवणे ४।
कहि णं भंते ! मन्दरे पव्वए भद्दसालवणे णामं वणे पण्णत्ते ?
गोयमा ! धरणितले एत्थ णं मन्दरे पव्वए भद्दसालवणे णामं वणे पण्णत्ते । पाईणपडीणायए, उदीणदाहिणवित्थिण्णे, सोमणसविज्जुप्पहगंधमायणमालवंतेहिं वक्खारपव्वएहिं सीआसीओओहि अ महाणईहिं अट्ठभागपविभत्ते । मन्दरस्स पव्वयस्स पुरत्थिमपच्चत्थिमेणं बावीसं जोअणसहस्साई आयामेणं, उत्तरदाहिणेणं अद्वाइज्जाइं अद्वाइज्जाई जोअणसयाइं विक्खम्भेणंति । से णं एगाए पउमवरवेइआए एगेण य वणसंडेणं सव्वओ समन्ता संपरिक्खित्ते । दुहवि वण्णओ भाणिअव्वो, किण्हे किण्होभासे जाव ' आसयन्ति सयन्ति ।
मन्दरस्स णं पव्वयस्स पुरत्थिमेणं भद्दासालवणं पण्णासं जोअणाई ओगाहित्ता एत्थ णं महं एगे सिद्धाययणे पण्णत्ते । पण्णासं जोअणाई आयामेणं, प्रणवीसं जोअणाई विक्खम्भेणं, छत्तीसं जोअणाई उद्धं उच्चत्तेणं, अणेगखम्भसयसण्णिविट्ठे वण्णओ । तस्स सिद्धाययणस्स तिदिसिं तओ दारा पण्णत्ता । ते णं दारा अट्ठ जोअणाई उद्धं उच्चत्तेणं, चत्तारि जोअणाइं विक्खम्भेणं, तावइयं चेव पवेसेणं, सेआ वरकणगथ्रुभिआगा जाव aणमालाओ भूमिभागो अ भाणिअव्वो ।
तस्स णं बहुमज्झदेसभाए एत्थ णं महं एगा मणिपेढिआ पण्णत्ता । अट्ठजोअणाई आयामविक्खम्भेणं, चत्तारि जोअणाई बाहल्लेणं, सव्वरयणामई, अच्छा। तीसे णं मणिपेढिआए उवरिं
१.
देखें सूत्र
संख्या ६
