________________
चतुर्थ वक्षस्कार]
[२३७
वक्खारपव्वयस्स पच्चत्थिमेणं, मालवंतस्स वक्खारपव्वयस्स पुरत्थिमेणं एत्थ णं जम्बूद्दीवे २ महाविदेहे वासे कच्छे णामं विजए पण्णत्ते। उत्तरदाहिणायए, पाडीण-पडीणवित्थिपणे पलिअंक-संठाणसंठिए, गंगासिंधूए, महाणईहिं वेयःण य पव्वएणं छब्भागपविभत्ते, सोलस जोअणसहस्साइं पंच य बाणउए जोअणसए दोण्णि अएगूणवीसइभाए जोअणस्स आयामेणं, दो जोअणसहस्साई दोण्णि अ तेरसुत्तरे जोअणसए किंचि विसेसूणे विक्खंभेणंति।
कच्छस्स णं विजयस्स बहुमज्झदेसभाए एत्थ णं वेअद्धे णामं पव्वए पण्णत्ते, जेणं कच्छं विजयं दुहा विभयमाणे २ चिट्ठइ, तं जहा-दाहिणद्धकच्छं उत्तरद्धकच्छं चेति।
कहि णं भंते ! जम्बूद्दीवे दीवे महाविदेहे वासे दाहिणद्धकच्छे णामं विजए पण्णत्ते ?
गोयमा ! वेअद्धस्स पव्वयस्स दाहिणेणं, सीआए महाणईए उत्तरेणं, चित्तकूडस्स वक्खारपव्वयस्स पच्चत्थिमेणं, मालवंतस्स वक्खारपव्वयस्स पुरथिमेणं एत्थ णं जम्बुद्दीवे दीवे महाविदेहे वासे दाहिणद्धकच्छे णामं विजए पण्णत्ते। उत्तरदाहिणायए, पाईणपडीणवित्थिपणे, अट्ठजोअणसहस्साइं दोणि अ एगसत्तरे जोअणसए एक्कं च एगूणवीसइभागं आयामेणं, दो जोअणसहस्साइंदोण्णि अतेरसुत्तरे जोअणसए किंचिविसेसूणे दिक्खंभेणं, पलिअंकसंठाणसंठिए।
दाहिणद्धकच्छस्स णं भंते ! विजयस्स केरिसए आयारभावपडोआरे पण्णत्ते ? गोयमा ! बहुसमरमणिज्जे भूमिभागेपण्णत्ते,तंजहा-जाव' कित्तिमेहिंचेव अकित्तिमेहिंचेव। दाहिणद्धकच्छे णं भंते ! विजए मणुआणं केरिसए आयारभावपडोआरे पण्णत्ते ? गोयमा ! तेसि णं मणुआणं छव्विए संघयणे जाव' सव्वदुक्खाणमंतं करेंति। कहि णं भंते ! जम्बुद्दीवे दीवे महाविदेहे वासे कच्छे विजए वेअद्धे णामं पव्वए ?
गोयमा ! दाहिणद्धकच्छ-विजयस्स उत्तरेणं, उत्तरद्धकच्छस्स दाहिणेणं,चित्तकूडस्स पच्चत्थिमेणं, मालवन्तस्स वक्खारपव्वयस्स पुरथिमेणं एत्थ णं कच्छे विजए वेअद्धे णामं पव्वए पण्णत्ते।तं जहा-पाईणपडीणायए, उदीणदाहिणवित्थण्णे, दुहा वक्खारपव्वए पुढेपुरथिमिल्लाए कोडीए (पुरथिमिल्लं वक्खारपव्वयं पुढे, पच्चथिमिल्लाए कोडीए पच्चत्थिमिल्लं वक्खारपव्वयं पुढे ) दोहिवि पुढे । भरहवेअद्धसरिसए णवरं दो बाहाओ जीवा धणुपटुं च णं कायव्वं । विजयविक्खम्भसरिसे आयामेणं। विक्खम्भो, उच्चत्तं, उव्वेहो तहेव च विज्जाहरआभिओगसेढीओ तहेव, णवरं पणपण्णं २ विज्जाहरणगरावासा पण्णत्ता। आभिओगसेढीए उत्तरिल्लाए सेढीओ सीआए ईसाणस्स सेसाओ सक्कस्सत्ति। कूडा
१. सिद्धे २. कच्छे ३. खंडग ४. माणी ५. वेअद्ध ६. पुण्ण ७. तिमिसगुहा।
८. कच्छे ९. वेसमणे वा, वेअद्धे होंति कूडाइं ॥१॥ १. देखें सूत्र संख्या ४१ २. देखें सूत्र संख्या १२
