________________
२३८]
[जम्बूद्वीपप्रज्ञप्तिसूत्र
कहि णं भंते ! जम्बूद्दीवे २ महाविदेहे वासे उत्तर-कच्छे णामं विजए पण्णत्ते ?
गोयमा ! वेयद्धस्स पव्वयस्स उत्तरेणं, णीलवन्तस्स वासहरपव्वयस्स दाहिणेणं, मालवन्तस्स वक्खारपव्वयस्स पुरथिमेणं, चित्तकूडस्स वक्खारपव्ययस्स पच्चत्थिमेणं एत्थ णं जम्बूद्दीवे जावसिज्झन्ति, तहेव णेअव्वं सव्वं ।
___ कहि णं भंते ! जम्बुद्दीवे दीवे महाविदेहे वासे उत्तरद्धकच्छे विजए सिंधुकुंडे णामं कुंडे पण्णत्ते ?
गोयमा ! मालवन्तस्स वक्खारपव्वयस्स पुरत्थिमेणं, उसभकूडस्स पच्चत्थिमेणं, णीलवन्तस्स वासहरपव्ययस्स दाहिणिल्ले णितंबे एत्थ णं जम्बुद्दीवे दीवे महाविदेहे वासे उत्तरड्ढकच्छविजए सिंधुकुंडे णामं कुंडे पण्णत्ते, सर्टि जोअणाणि आयामविक्खम्भेणं जाव भवणं अट्ठो रायहाणी अणेअव्वा, भरहसिंधुकुंडसरिसं सव्वं णेअव्वं।
तस्स णं सिंधुकुण्डस्स दाहिणिल्लेणं तोरणेणं सिंधुमहाणई पवढा समाणी उत्तरद्धकच्छविजयं एग्जेमाणी २ सत्तेहिं सलिलासहस्सेहिं आपूरेमाणी २ अहे तिमिसगुहाए वेअद्धपव्वयं दालयित्ता दाहिणकच्छविजयं एजेमाणी २ चोद्दसहिं सलिलासहस्सेहिं समग्गा दाहिणेणं सीयं महाणइं समप्पेइ। सिंधुमहाणई पवहे अमूले अ भरहसिंधुसरिसा पमाणेणं जाव दोहिं वणसंडेहिं संपरिक्खित्ता।
कहि णं भंते ! उत्तरद्धकच्छविजए उसभकूडे णामं पव्वए पण्णत्ते ?
गोयमा ! सिंधुकुंडस्स पुरथिमेणं, गंगाकुण्डस्स पच्चत्थिमेणं, णीलवन्तस्स वासहरपव्वयस्स दाहिणिल्ले णितंबे एत्थ णं उत्तरद्धकच्छविजए उसहकूडे णामं पव्वए पण्णत्ते। अट्ठ जोअणाई उद्धं उच्चत्तेणं, तं चेव पमाणं जाव रायहाणी से णवरं उत्तरेणं भाणिअव्वा।
कहि णं भन्ते ! उत्तरद्धकच्छे विजए गंगाकुण्डे णामं कुण्डे पण्णत्ते ?
गोयमा!चित्तकूडस्स वक्खारपव्वयस्स पच्चत्थिमेणं, उसहकूडस्स पव्वयस्स पुरत्थिमेणं, णीलवन्तस्स वासहरपव्वयस्स दाहिणिल्ले णितंबे एत्थ णं उत्तरद्धकच्छे गंगाकुण्डे णामं कुण्डे पण्णत्ते। सर्टि जोअणाइंआयामविक्खम्भेणं, तहेव जहा सिंधु जाव वणसंडेण य संपरिक्खित्ता।
से केणटेणं भंते ! एवं वुच्चइ कच्छे विजए कच्छे विजए ?
गोयमा ! कच्छे विजए वेअद्धस्स पव्वयस्स दाहिणेणं, सीआए महाणईए उत्तरेणं, गंगाए महाणईए पच्चत्थिमेणं, सिंधूए महाणईए पुरथिमेणं दाहिणद्धकच्छविजयस्स बहुमज्झदेसभाए, एत्थ णं खेमा णामं रायहाणी पण्णत्ता, विणीआरायहाणीसरिसा भाणिवव्वा। तत्थ णं खेमाए रायहाणीए कच्छे णामं राया समुप्पज्जइ, महया हिमवन्त जाव सव्वं भरहोवमं भाणिअव्वं निक्ख-मणवज्जं सेसं सव्वं भाणिअव्वं जाव भुंजए माणुस्सए सुहे। कच्छणामधेजे १. देखें सूत्र संख्या १४
