________________
जम्बूद्वीपप्रज्ञप्तिसूत्र
मणिपेढिआ पञ्चधणुसयाइं आयाम - विक्खम्भेणं, अद्वाइज्जाई धणुसयाई बाहल्लेणं । तीसे णं मणिपेढिआए उप्पिं देवच्छन्दए, पंचधणुसयाई आयाम - विक्खम्भेणं, साइरेगाई पञ्चधणुसयाइं उद्धं उच्चत्तेणं, जिणपडिमावण्णओ णेअव्वोत्ति ।
२३० ]
तत्थ जेसे पुरथिमिल्ले साले, एत्थ णं भवणे पण्णत्ते । कोसं आयामेणं, एवमेव णवरमित्थ सयणिज्जं । सेसेसु पासायवडेंसया सीहासणा य सपरिवारा इति ।
जम्बू णं बारसहिं पउमवरवे आहिं सव्वओ समन्ता संपरिक्खित्ता, वेइआणं वण्णओ । जम्बू णं णं असणं जम्बूणं तद्दधुच्चत्ताणं सव्वो संपरिक्खित्ता । तासि णं वण्णओ । ताओ णं जम्बू छहिं पउमवरवे आहिं संपरिक्खित्ता ।
जम्बू णं सुदंसणा उत्तरपुरत्थिमेणं, उत्तरेणं, उत्तरपच्चत्थिमेणं एत्थ णं अणाढिअस्स देवस्स चउण्हं सामाणिअसाहस्सीणं चत्तारि जम्बूसाहस्सीओ पण्णत्ताओ । तीसे णं पुरत्थिमेणं चउण्हं अग्गमहिसीणं चत्तारिं जम्बूओ पण्णत्ताओ
दक्खिणपुरत्थिमे दक्खिणेण तह अवरदक्खिणेणं च । अट्ठ दस बारसेव य भवन्ति जम्बूसहस्साइं ॥ १ ॥ अणिआहिवाण पच्चत्थिमेण सत्तेव होंति जम्बूओ । सोलस साहस्सीओ चउद्दिसिं आयरक्खाणं ॥ २ ॥
जम्बू णं तिहिं सइएहिं वणसंडेहिं सव्वओ समन्ता संपरिक्खित्ता । जम्बूए णं पुरत्थमेणं पण्णासं जोअणाई पढमं वणसंडं ओगाहित्ता एत्थ णं भवणे पण्णत्ते, कोसं आयामेणं, सो चेव वण्णओ सयणिज्जं च, एवं सेसासुवि दिसासु भवणा । जम्बूए णं उत्तरपुरत्थिमेणं पढमं वणसण्डं पण्णासं जोअणाई ओगाहित्ता एत्थ णं चत्तारि पुक्खरिणीओ पण्णत्ताओ, तं जहा - १, पउमा, २, पउमप्पभा, ३, कुमुदा, ४, कुमुदप्पभा । ताओ णं कोसं आयामेणं, अद्धकोसं विक्खम्भेणं, पञ्चधणुसयाई उव्वेहेणं वण्णओ । तासि णं मज्झे पासायवडेंसगा कोसं आयामेणं, अद्धकोसं विक्खम्भेणं, देसूणं कोसं उद्धं उच्चतेणं, वण्णओ सीहासणा सपरिवारा, एवं सेसासु विदिसासु गाहा—
पउमा पउमप्पभा चेव, कुमुदा कुमुदप्पहा । उप्पलगुम्मा णलिणा, उप्पला उप्पलुज्जला ॥ १ ॥ भिंगा भिंगाप्पभा चेव, अंजणा कज्जलप्पभा । सिरिकता सिरिमहिआ, सिरिचंदा चेव सिरिनिलया ॥ २ ॥
जम्बू मं पुरथिमिल्लस्स भवणस्स उत्तरेणं उत्तरपुरत्थिमिल्लस्स पासायवडेंसगस्स दक्खिणेणं एत्थ णं कूडे पण्णत्ते । अट्ठ जोअणाई उद्धं उच्चत्तेणं, दो जोअणाई उव्वेहेणं, मूले अट्ठ जोअणाई आयामविक्खम्भेणं, बहुमज्झदेसभाए छ जोअणाई आयामविक्खम्भेणं, उवरिं चत्तारि जोअणाइं आयामविक्खम्भेणं
