________________
२२२ ]
[जम्बूद्वीपप्रज्ञप्तिसूत्र
सहस्साइं आयामविक्खम्भेणं, सत्ततीसं जोअणसहस्साइं णव य अडयाले जोअणसए किंचिविसेसाहिए परिक्खेवेणं । पत्तेअं २ पायारपरिक्खित्ता । ते णं पागारा सत्ततीसं जोअणाई अद्धजोअणं च उद्धं उच्चत्तेणं, मूले अद्धतेरसजोअणाइं विक्कम्भेणं, मज्झे छ सकोसाइं जोअणाई विक्खंभेणं, उवरिं तिण्णि सअद्धकोसाइं जोअणाइं विक्खम्भेणं, मूले विच्छिण्णा, मज्झे संखित्ता, उप्पिं तणुआ, बाहिं वट्टा, अंतो चउरंसा, सव्वरयणामया, अच्छा । तेणं पागारा णाणामणिपञ्च वण्णेहिं कविसीसएहिं उवसोहिआ, तं जहा - किण्हेहिं जाव सुकिल्लेहिं । तेणं कविसीसगा अद्धकोसं आयामेणं, देसूणं अद्धकोसं उद्धं उच्चत्तेणं, पञ्च धणुसयाइं बाहल्लेणं, सव्वमणिमया, अच्छा।
जमिगाणं रायहाणीणं एगमेगाए बाहाए पणवीसं पणवीसं दारसयं पण्णत्तं । ते णं दारा बावट्ठि जोअणाई अद्धजोअणं च उद्धं उच्चत्तेणं, इक्कतीसं जोअणाई कोसं च विक्खम्भेणं, तावइअं चेव पवेसेणं । सेआ वरकणगथूभिआगा एवं रायप्पसेणइज्जविमाणवत्तव्वयाए दारवण्णओ जाव अट्ठट्ठमंगलगाई ति ।
मियाणं रायहाणीणं चउद्दिसिं पञ्च पञ्च जोअणसए अबाहाए चत्तारि वणसण्डा पण्णत्ता, तं जहा - १. असोगवणे, २. सत्तिवण्णवणे, ३. चंपगवणे, ४. चूअवणे । ते णं वणसंडा साइरेगाई बारसजोअणसहस्साइं आयामेणं, पञ्च जोअणसयाई विक्खंभेणं । पत्तेअं २ पागार - परिक्खित्ता किण्हा, वणसण्डवण्णओ भूमीओ पासायवडेंसगा य भाणिअव्वा । गाणं राहाणीणं अंतो बहुसमरमणिज्जे भूमिभागे पण्णत्ते वण्णगोत्ति । तेसि णं बहुसमरमणिज्जाणं भूमिभागाणं बहुमज्झदेसभाए एत्थ णं दुवे उवयारियालयणा पण्णत्ता । बारस जोअणसयाई आयामविक्खम्भेणं, तिण्णि जोअणसहस्साइं सत्त य पञ्चाणउए जोअणस परिक्खेवेणं, अद्धकोसं च बाहल्लेणं, सव्वजंबूणयामया, अच्छा। पत्तेअं पत्तेअं, पउमवरवेइआ-परिक्खित्ता, पत्तेअं पत्तेअं वणसंडवण्णओ भाणिअव्वो, तिसोवाणपडिरूवगा तोरणचउद्दिसिं भूमिभागा य भाणिअव्वत्ति ।
तस्स णं बहुमज्झदेसभाए एत्थ णं एगे पासायवडेंसए पण्णत्ते । बावट्ठि जोअणाई अद्धजोअणं च उद्धं उच्चत्तेणं, इक्कतीसं जोअणाई कोसं च आयामविक्खम्भेणं वण्णओ उल्लोआ भूमिभागा सीहासणा सपरिवारा, एवं पासायपंतीओ ( एत्थ पढमा पंती ते णं पासायवेडिंसगा ) एक्कतीसं जोअणाई कोसं च उद्धं उच्चत्तेणं, साइरेगाई अद्धसोलसजोअणाई आयामविक्खम्भेणं ।
विइअपासायपंती ते णं पासायवडेंसया साइरेगाइं अद्धसोलसजोअणाई उद्धं उच्चत्तेणं, साइरेगाई अट्ठट्ठमाई जोअणाई आयामविक्खम्भेणं ।
तइअपासायपंती ते णं पासायवडेंसया साइरेगाई अद्धट्ठमाई जोअणाई उद्धं उच्चत्तेणं,
१. देखें सूत्र संख्या ४
