________________
चतुर्थ वक्षस्कार]
[२२३
साइरेगाइं अद्धजोअणाई आयामविक्खम्भेणं, वण्णओ सीहासणा सपरिवारा।
तेसिणं मूलपासायवडिंसयाणं उत्तरपुरस्थिमे दिसीभाए एत्थ णंजमगाणं देवाणं सहाओ सुहम्माओ पण्णत्ताओ।अद्धतेरस जोअणाई आयामेणं, छस्सकोसाइं जोअणाइं विक्खम्भेणं, णव जोअणाई उद्धं उच्चत्तेणं, अणेगखम्भसयसण्णिविट्ठा सभावण्णओ, तासि णं सभाणं सुहम्माणं तिदिसिंतओदारा पण्णत्ता।तेणंदारा दो जोअणाई उद्धं उच्चत्तेणं, जोअणं विक्खम्भेणं, तावइअं चेव पवेसेणं, सेआ वण्णओ जाव वणमाला।
तेसि णं दाराणं पुरओ पत्तेअं२ तओ मुहमंडवा पण्णत्ता। ते णं मुहमंडवा अद्धतेरसजोअणाइं आयामेणं, छस्सकोसाइंजोअणाइं विक्कम्भेणं, साइरेगाइंदोजोअणाई उद्धं उच्चत्तेणं। (तासि णं सभाणं सुहम्माणं) दारा भूमिभागा यत्ति। पेच्छाघरमंडवाणंतं चेव पमाणं भूमिभागो मणिपेढिआओत्ति, ताओणं मणिपेढिआओ जोअणं आयामक्खिंभेणं, अद्धजोअणं बाहल्लेणं सव्वमणिमईआ सीहासणा भाणिअव्वा।
तेसि णं पेच्छाघरमंडवाणं पुरओ मणिपेढिआओ पण्णत्ताओ।ताओ णं मणिपेढिआओ दो जोअणाई आयामविक्खम्भेणं, जोअणं बाहल्लेणं, सव्वमणिमईओ।तासि णं उप्पिं पत्तेअं २ तओ थूभा।तेणंथूभा दो जोअणाई उद्धं उच्चत्तेणं, दो जोअणाई आयामविक्खम्भेणं, सेआ संखतल जाव अट्ठट्ठमंगलया।
तेसिणं थूभाणं चउद्दिसिं चत्तारि मणिपेढिआओ पण्णत्ताओ।ताओणं मणिपेढिआओ जोअणंआयामविक्खम्भेणं, अद्धजोअणंबाहल्लेणं,जिणपडिमाओवत्तव्वाओ।चेइअरुक्खाणं मणिपेढिआओ दो जोअणाई आयामविक्खम्भेणं,जोअणं बाहल्लेणं, चेइय-रुक्ख-वण्णओत्ति।
तेसि णं चेइअ-रुक्खाणं पुरओ तओ मणिपेढिआओ पण्णत्ताओ। ताओ णं मणिपेढिआओ जोअणं आयाम-विक्खंभेणं, अद्धजोअणं बाहल्लेणं। तासि णं उप्पिं पत्तेअं २ महिंदज्झया पण्णत्ता। तेणं अद्धट्ठमाइंजोअणाई उद्धं उच्चत्तेणं, अद्धकोसं उव्वहेणं,अद्धकोसं बाहल्लेणं वइरामयवट्ट वण्णओ वेइआवणसंडतिसोवाणतोरणा य भाणिअव्या।
तासि णं सभाणंसुहम्माणं छच्च मणोगुलिआसाहस्सीओपण्णत्ताओ, तंजहा-पुरस्थिमेणं दो साहस्सीओ पण्णत्ताओ, पच्चत्थिमेणं दो साहस्सीओ, दक्खिणेणं एगा साहस्सी, उत्तरेणं एगा।(तासुणंमणोगुलिआसु बहवे सुवण्णरुप्पमया फलगा पण्णत्ता।तेसिणंसुवण्णरुप्पमएसु फलगेसु बहवे वइरामया णागदन्तगा पण्णत्ता। तेसुणं वइरामएसु नागदन्तेसु बहवे किण्हसुत्तवग्धारिअमल्लदामकलावा जाव सुक्किल्लसुत्तवग्धारिअमल्लदामकलावा।तेणंदामा तवणिज्जलंबूसगा) दामा चिटुंतित्ति। एवं गोमाणसिआओ, णवरं धूवघडिआओत्ति।
तासि णं सुहम्माणं सभाणं अंतो बहुसमरमणिज्जे भूमिभागे पण्णत्ते। मणिपेढिआ दो
१. देखें सूत्र संख्या ६७
