________________
चतुर्थ वक्षस्कार]
[१९३ वण्णओ भाणिअव्वो।
तस्स णं गंगप्पवायकुंडस्स तिदिसिं तओ तिसोवाणपडिरूवगा पण्णत्ता, तंजहापुरथिमेणं दाहिणेणं पच्चत्थिमेणं। तेसिंणं तिसोवाणपडिरूवगाणं अयमेवारूवे वण्णावासे पण्णत्ते, तंजहा-वइरामया णेम्मा, रिट्ठामया पइट्ठाणा, वेरुलिआमया खंभा, सुवण्णरुप्पमया फलया, लोहिक्खमईओ सुईओ, वयरामया संधी,णाणामणिमया आलंबणा आलंबणबाहाओत्ति।
तेसि णं तिसोवाणपडिरूवगाणं पुरओ पत्तेअं पत्तेअं तोरणा पण्णत्ता। ते णं तोरणा णाणामणिमयाणाणामणिमएसुखंभेसुउवणिविट्ठसंनिविट्ठा, विविहमुत्तरोवइआ, विविहतारारूवोवचिआ, ईहामिअ-उसह-तुरग-णर-मगर-विहग-वालग-किण्णर-रुरु-सरभ-चमर-कुंजरवणलय-पउमलय-भत्तिचित्ता, खंभुग्गयवइरवेइआपरिगयाभिरामा, विज्जाहरजमलजुअलजंतजुत्ताविव, अच्चीसहस्समालणीआ, रूवगसहस्सकलिआ, भिसमाणा, भिब्भिसमाणा, चक्खुल्लोअणलेसा, सुहफासा, सस्सिरीअरूवा, घंटावलिचलिअमहुरमणहरसरा, पासादीआ।
तेसि णं तोरणाणं उवरिं बहवे अट्ठमंगलगा पण्णत्ता, तंजहा-सोत्थिय सिरिवच्छे जाव पडिरूवा। तेसि णं तोरणाणं उवरिं बहवे किण्हचामरज्झया, (नीलचामरज्झया, हरिअचामरज्झया,) सुक्किल्लचामरज्झया, अच्छा, सण्हा, रुप्पपट्टा, वइरामयदण्डा, जलयामलगंधिया, सुरम्मा, पासाईया ४। तेसि णं तोरणाणं उप्पिं बहवे छत्ताइच्छत्ता, पडागाइपडागा, घंटाजुअला, चामरजुअला, उप्पलहत्थगा, पउमहत्थगा- (कुमुअहत्थगा, नलिणहत्थगा, सोगन्धिअहत्थगा, पुंडरीअहत्थगा, सयपत्तहत्थगा, सहस्सपत्तहत्थगा,) सयसहस्सपत्तहत्थगा, सव्वरयणामया, अच्छा जाव ' पडिरूवा।
___ तस्स णं गंगप्पवायकुंडस्स बहुमज्झदेसभाए एत्थ णं महं एगे गंगादीवे णामं दीवे पण्णत्ते, अट्ठ जोअणाई आयामविक्खंभेणं, साइरेगाइं पणवीसं जोअणाइं परिक्खेवेणं, दो कोसे ऊसिए जलंताओ, सव्ववइरामए, अच्छे, सण्हे। से णं एगाए पउमवरवेइआए एगेण य वणसंडेणं सव्वओ समन्ता संपरिक्खित्ते, वण्णओ भाणिअव्यो।
गंगादीवस्सणंदीवस्स उप्पिं बहुसमरमणिज्जे भूमिभागे पण्णत्ते।तस्सणं बहुमज्झदेसभाए एत्थ णं महं गंगाए देवीए एगे भवणे पण्णत्ते, कोसं आयामेणं, अद्धकोसं विक्खंभेणं, देसूणगं चकोसंउद्धं उच्चत्तेणं,अणेगखंभसयसण्णिविटेजाव, बहुमज्झदेसभाए मणिपेढयाए सयणिज्जे।
से केणटेणं (धुवे णियए) सासए णामधेज्जे पण्णत्ते।
तस्सणं गंगप्पवायकुंडस्स दक्खिणिल्लेणं तोरणेणं गंगामहाणई पवूढा समाणी उत्तरद्धभरहवासं एज्जमाणी एज्जमाणी सत्तहिं ससिलासहस्सेहिं आउरेमाणी आउरेमाणी अहे खण्डप्पवायगुहाए वेअद्धपव्वयं दालइत्ता दाहिणद्धभरहवासं एज्जमाणी २ दाहिणद्धभरहवासस्स १. देखें सूत्र संख्या ४
२. देखें सूत्र संख्या ५५
