________________
चतुर्थ वक्षस्कार]
[१८९
पुक्खरेइ वा।तस्सणं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगे भवणे पण्णत्ते, कोसं आयामेणं अद्धकोसं विक्खंभेण, देसूणगं कोसं उद्धं उच्चत्तेणं, अणेगखंभसयसण्णिविटे, पासाईए दरिसणिज्जे। तस्स णं भवणस्स तिदिसिं तओ दारा पण्णत्ता। ते णं दारा पञ्चधणुसयाई उद्धं उच्चत्तेणं, अड्डाइज्जाइं धणुसयाई विक्खंभेणं, तावतिअं चेव पवेसेणं। सेआवरकणगथूभिआ जाव वणमालाओ णेअव्वाओ।
तस्स णं भवणस्स अंतो बहुसमरमणिज्जे भूमिभागे पण्णत्ते, से जहाणामए आलिंग०, तस्सणं बहुमज्झदेसभाए एत्थणं महई एगा मणिपेढिआ पण्णत्ता।साणंमणिपेढिआपंचधणुसयाई आयामविक्खंभेणं,अड्ढाइज्जाइंधणुसयाइंबाहल्लेणं, सव्वमणिमई अच्छा।तीसेणंमणिपेढिआए उप्पिं एत्थ णं महं एगे सयणिज्जे पण्णत्ते, सयणिज्जवण्णओ भाणिअव्वो।
से णं पउमे अण्णेणं अट्ठसएणं पउमाणं तदद्धच्चतप्पमाणमित्ताणं सव्वओ समंता संपरिक्खित्ते। ते णं पउमा अद्धजोअणं आयाम-विक्खंभेणं, कोसं बाहल्लेणं, दसजोअणाई उव्वेहेणं, कोसं ऊसिया जलंताओ, साइरेगाइं दसजोअणाई उच्चत्तेणं।
तेसि णं पउमाणं अयमेवारूवे वण्णावासे पण्णत्ते, तं जहा वइरामया मूला, (रिट्ठमए कंदे, वेरुलिआमए णाले, वेरुलिआमया बाहिरपत्ता, जम्बूणयामयाअब्भितरपत्ता तवणिज्जमया केसरा णाणामणिमया पोक्खरथिभाया) कणगामई कण्णिआ।
साणं कण्णिआ कोसं आयामेणं, अद्धकोसं बाहल्लेणं, सव्वकणगामई, अच्छा इति। तीसे णं कण्णिआए उप्पिं बहुसमरमणिज्जे जाव' मणीहिं उवसोभिए।
तस्स णं पउमस्स अवरुत्तरेणं, उत्तरेणं, उत्तरपुरथिमेणं एत्थ णं सिरीए देवीए चउण्हं सामाणिअ-साहस्सीणं चत्तारिपउम-साहस्सीओ पण्णत्ताओ।तस्स णं पउमस्स पुरथिमेणं एत्थ णं सिरीए देवीए चउण्हं महत्तरिआणं चत्तारि पउमा प०।तस्स णं पउमस्स दाहिण-पुरस्थिमेणं सिरीए देवीए अब्भिंतरिआए परिसाए अट्ठण्हं देवसाहस्सीणं अट्ठ पउम-साहस्सीओ पण्णत्ताओ। दाहिणेणं मज्झिमपरिसाएदसण्हं देवसाहस्सीणंदस पउम-साहस्सीओ पण्णत्ताओ।दाहिणपच्चत्थिमेणं बाहिरिआए परिसाए बारसण्हं देवसाहस्सीणं बारस पउम-साहस्सीओ पण्णत्ताओ। पच्चत्थिमेणं सत्तण्हं अणिआहिवईणं सत्त पउमा पण्णत्ता। तस्स णं पउमस्स चउद्दिसिं सव्वओ समंता इत्थ णं सिरीए देवीए सोलण्हं आयरक्ख-देवसाहस्सीणं सोलस पउम-साहस्सीओ पण्णत्ताओ।
से णं तिहि पउम-परिक्खेवेहिं सव्वओ समंता संपरिक्खित्ते, तं जहा-अब्भिंतरएणं मज्झिमएणं बाहिरएणं।अब्भिंतरए पउम-परिक्खेवे बत्तीसंपउम-सय-साहस्सीओ पण्णत्ताओ। मज्झिमए पउमपरिक्खेवे चत्तालीसंपउमसयसाहस्सीओ पण्णत्ताओ। बाहिरिए पउम-परिक्खेवे
१. देखें सूत्र संख्या ६
