Page Text
________________
१७२ ]
[जम्बूद्वीपप्रज्ञप्तिसूत्र
भरहस्स रण्णो एअमट्टं सम्मं विणएणं पडिसुर्णेति । तए णं से भरहे राया जेणेव पोसहसाला तेणेव उवागच्छइ २त्ता जाव पडिजागरमाणे विहरइ ।
तए णं से भरहे राया अट्ठमभत्तंसि परिणममाणंसि आभिओगिए देवे सद्दावेइ २त्ता एवं वयासी - खिप्पामेव भो देवाणुप्पिआ ! विणीआए रायहाणीए उत्तरपुरत्थिमे दिसीभाए एगं महं अभिसे मंडवं विउव्वेह २त्ता मम एअमाणत्तिअं पच्चप्पिणह, तए णं ते आभिओगा देवा भरहेणं रण्णा एवं वुत्ता समाणा हट्ठतट्ठा जाव' एवं सामित्ति आणाए विणएणं वयणं पडिसुर्णेति, पडिणित्ता विणीआए रायहाणीए उत्तरपुरत्थिमं दिसीभागं अवक्कमंति २त्ता वेउव्विअसमुग्धाएणं समोहणंति २त्ता संखज्जाई जोअणाई दंडं णिसिरंति, तंजहा - ( वइराणं वेरुलिआणं लोहिअक्खाणं मसारगल्लाणं हंसगब्भाणं पुलयाणं सोगन्धिआणं जोइरसाणं अंजणाणं अंजणपुलयाणं जायरूवाणं अंकाणं फलिहाणं) रिट्ठाणं अहावायरे पुग्गले परिसाडेंति २त्ता अहासहुमे पुग्गले परिआदिअंति २त्ता दुच्छंपि वेउव्वियसमुग्घायेणं ( संखिज्जाई जोअणाई दंड णिसिरंति, तंजहा - अहाबायरे पुग्गले परिसाडेंति २त्ता अहासुहुमे पुग्गले परिआदिअंति २त्ता दुच्वंपि वेडव्विय- समुग्धाणं ) समोहति २त्ता बहुसमरमणिज्जं भूमिभागं विउव्वंति से जहाणामए आलिंगपुक्खरेइ वा० । तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एवं अभिसेअमण्डवं विउव्वंतिअणेगखंभसयसण्णिविट्टं ( अब्भुग्गयं सुकयवइरवेड्यातोरणवररचियसालिभंजियागं सुसिलिट्ठविसिठ्ठलट्ठसंठियपसत्थ-वेरुलियविमलखंभं णाणामणिकणगरयणखचियउज्जलं
बहुसमसुविभत्तदेसभागं ईहामियउसभतुरगणरमगरविहगबालगकिन्नररुरुसरभचमरकुंजरवणलयपउमलयभत्तिचित्तं कंचणमणिरयणथ्रुभियागं णाणाविहपंचवण्णघंटापडागपरिमंडियग्गसिहरधवलं मरीइकवयं विणिमुयंतं लाउलोइयमहियं गोसीसरत्तचंदण - दद्दरदिन्नपंचंगुलितलं उवचियचंदणकलसं चंदणघडसुकयतोरणपडिदुवारदेसभागं आसत्तोसत्तविउलवट्टवग्घारियमल्लदामकलावं पंचवण्णसरससुरभिमुक्कपुप्फपुंजोवयारकलियं, कालागुरुपवरकुंदरुक्कतुरुक्कधूवमघमघंतं गंधुद्ध्याभिरामं सुगंधवरगंधियं) गंधवट्टिभूअं पेच्छाघरमंडववण्णगोत्ति तस्स णं अभिसेअमंडवस्स बहुमज्झदेभाए एत्थ णं महं एवं अभिसेअपेढं विउव्वंति अच्छं सहं, तस्स णं अभिसे अपेढस्स तिदिसिं तओ तिसोवाणपडिरूवए विउव्वंति तेसिं णं तिसोवाणपडिरूवगाणं अयमेआरूवे वण्णावासे पण्णत्ते । (तेसिं णं तिसोवाणपडिरूवगाणं झया छत्ता य नेवत्था) तस्स णं अभिसेअ-पेढस्स बहुसमरमणिज्जे भूमिभागे पण्णत्ते । तस्स णं बहुसमरमणिज्जस्स भूमिभागस्स बहुमज्झदेस - भाए एत्थ णं महं एगं सीहासणं विव्डवंति। तस्स णं सीहासणस्स अयमेयारूवे वण्णावासे पण्णत्ते जाव दामवण्णगं समत्तंति । तए णं ते देवा अभिसेअमंडवं विउव्वंति २त्ता जेणेव भरहे राया (तमाणत्तिअं ) पच्चप्पिणंति ।
तए णं से भरहे राया आभिओगाणं देवाणं अंतिए एअमट्ठे सोच्चा णिसम्म हट्ठतुट्ठ जाव
१. देखें
सूत्र
संख्या ४४
२.
देखें सूत्र संख्या ४४
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |