Page Text
________________
१६४]
[जम्बूद्वीपप्रज्ञप्तिसूत्र
तए णं तस्स भरहस्स रण्णो आभिसेक्कं हत्थिरयणं दुरूढस्स समाणस्स इमे अट्ठमंगलगा पुरओ अहाणुपुव्वीए संपट्ठिआ, तंजहा-सोत्थिअ-सिरिवच्छ-(णंदिआवत्तवद्धमाणग-भद्दासण-मच्छ-कलस / दप्पणे, तयणंतरं च णं पुण्णकलसभिंगार दिव्वा य छत्तपडागा (सचामरा दंसणरइअआलोअदरिसणिज्जा वाउ अविजयवेजयंती अब्भुस्सिआ गगणतलमणुलिहंति पुरओ अहाणुपुव्वीए) संपट्ठिआ, तयणंतरं च वेरुलिअभिसंतविमलदंडं (पलबकोरण्टमल्लदामोवसोहिअंचन्दमंडलनिभं समूसिविमलं आयवत्तं पवरं सीहासणं च मणिरयणपायपीढं सपाउआजोगसमउत्तं बहुकिंकरकम्मकरपुरिसपायत्तपरिक्खित्तं पुरओ अहाणुपुव्वीए) संपट्ठिअं, तयणंतरं च णं सत्त एगिदिअरयणा पुरओ अहाणुपुव्वीए संपत्थिआ, तंजहा-चक्करयणे १, छत्तरयणे २, चम्मरयणे ३, दंडरयणे ४, असिरयणे ५, मणिरयणे ६, कागणिरयणे७, तयणंतरं च णंणव महाणिहीओ पुरओ अहाणुपुव्वीए संपट्ठिआ, तंजहाणेसप्पे पंडुयए (पिंगलए सव्वरयणे महपउमे काले अमहाकाले माणवगे महानिही ) संखे, तयणंतरं च णं सोलस देवसहस्सा पुरओ अहाणुपुव्वीए संपट्ठिआ तयणंतरं च णं बत्तीसं रायवरसहस्सा अहाणुपुव्वीए संपट्ठिआ, तयणंतरं च णं सेणावइरयणे पुरओ अहाणुपुव्वीए संपट्ठिए, एवं गाहावइरयणे, वद्धइरयणे, पुरोहिअरयणे, तयणंतरं च णं इस्थिरयणे पुरओ अहाणुपुव्वीए, तयणंतरं च णं बत्तीसं उडुकल्लाणिआ सहस्सा पुरओ अहाणुपुव्वीए, तयणंतरं च णं बत्तीसं जणवयकल्लाणिआ सहस्सा पुरओ अहाणुपुवीए०, तयणंतरं च णं बत्तीस बत्तीसइबद्धा णाडगसहस्सा पुरओ अहाणुपुव्वीए०, तयणंतरं च णं तिणि सट्ठा सूअसया पुरओ अहाणुपुव्वीए०, तयणंतरं च णं अट्ठारस सेणिप्पसेणीओ पुरओ०, तयणंतरं च ण चउरासीइं आससयसहस्सा पुरओ०, तयणंतरं च णं चउरासीइं हत्थिसयसहस्सा पुरओ अहाणुपुव्वीए०, तयणंतरं च णं छण्णउई मणुस्सकोडीओ पुरओ अहाणुपुव्वीए संपट्ठिआ, तयणंतरं च णं बहहे राईसरतलवर जाव' सत्थंवाहप्पभिइंओ पुरओ अहाणुव्वीइ संपट्ठिया। तयणंतरं च णं बहवे असिग्गाहा लट्ठिग्गाहा कुंतग्गाहा चावग्गाहा चामरग्गाहा पासग्गाहा फलगगाहा परसुग्गाहा पोत्थयग्गाहा वीणग्गाहा कूअग्गाहा हडप्फग्गाहा दीविअग्गाहा सएहिं रूवेहिं, एवं वेसेहिं चिंधेहिं निओएहिं सएहिं २ वत्थेहिं पुरओ अहाणुपुव्वीए संपत्थिआ, तयणंतरं च णं बहवे दंडिणो मुंडिणो सिहंडिणो जडिणो पिच्छिणो हासकारगा खेड्डुकारगा दवकारगा चाडुकारगा कदंप्पिआ कुक्कुइआ मोहरिआ गायंता य दीवंता य (वायंता) नच्चंता य हसंता य रमंता य कीलंता य सासेंता य सावेंता य जावेंता य रावेंता य सोभेता य सोभावेंता य आलोअंता जयजयसदं च पउंजमाणा पुरओ अहाणुपुव्वीए संपट्ठिआ, एवं उववाइअगमेणं जाव तस्स रण्णो पुरओ महआसा आसधरा उभओ पासिं णागा णागधरा पिट्ठओ रहा रहसंगेल्ली अहाणुपुव्वीए संपट्ठिआ इति।।
तए णं से भरहाहिवेणरिंदे हारोत्थयए सुकयरइअवच्छे जाव अमरवइसण्णिभाए इद्धीए
१. देखें सूत्र संख्या ४४ २. देखें सूत्र संख्या ५४
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |