Page Text
________________
तृतीय वक्षस्कार ]
पहिअकित्ती चक्करयणदेसिअमग्गे अणेगरायवरसहस्साणुआयमग्गे (महयाउक्किट्ठसीहणायबोलकलकलरवेणं ) समुद्दरवभूअंपिव करेमाणे २ सव्विद्धीए सव्वजुईए जाव' णिग्घोसणा - यरवेणं गामागरणगरखेडकब्बडमडंब - ( दोणमुह-पट्टणासम-संवाह - सहस्समंडिआहिं ) जोअणंतरिआहिं वसहीहिं वसमाणे २ जेणेव विणीया रायहाणी तेणेव उवागच्छइ, उवागच्छित्ता विणीआए रायहाणीए अदूरसामंते दुवालसजोअणायामं णवजोयणवित्थिण्णं ( वरणगरसरिच्छं विजय - ) खंधावारणिवेसं करेइ, २त्ता वद्धइरयणं सद्दावेइ २त्ता जाव ? पोसहसालं अणुपविस, २त्ता विणीआए रायहाणीए अट्ठमभत्तं पगिण्हइ २ त्ता ( पोसहसालाए पोसहिए बंभयारी उम्मुक्कमणिसुवण्णो ववगयमालावण्णगविलेवणे णिक्खित्तसत्थमुसले दब्भसंथारोवगए) अट्ठमभत्तं पडिजागरमाणे २ विहरइ ।
२
[ १६५
तए णं से भरहे राया अट्टमभत्तंसि परिणममाणंसि पोसहसालाओ पडिणिक्खमइ २त्ता कोडुंबिअपुरिसे सद्दावेइ २त्ता तहेव जाव अंजणगिरिकूडसण्णिभं गयवई णरवइ दूरूढे । तं चेव सव्वं जहा ट्ठा णवरि णव महाणिहिओ चत्तारि सेणाओ ण पविसंति सेसो सो चेव गमो जाव णिग्घोसणाइएणं विणीआए रायहाणीए मज्झंमज्झेणं जेणेव सए गिहे जेणेव भवणवरवडिंसगपडिदुवारे तेणेव पहारेत्थ गमणाए । तए णं तस्स भरहस्स रण्णो विणीअं रायहाणिं मज्झमज्झेणं अणुपविसमाणस्स अप्पेगइआ देवा विणीअं रायहाणि सब्धंतरबाहिरिअं आसिअसम्मज्जिओवलित्तं करेंति अप्पेगइआ मंचाइमंचकलिअं करेंति, एवं सेसेसुवि पएसु, अप्पेगइआ णाणाविहरागवसणुस्सियधयपडागामंडितभूमिअं अप्पेगइआ लाउल्लोइअमहिअं करेंति, अप्पेगइआ (कालागुरुपवरकुंदुरुक्क - तुरुक्क - धूव-मघमघंत-गंधुद्धयाभिरामं सुगंधवरगंधियं ) गंधवट्टिभूअं करेंति, अप्पेगइआ हिरण्णवासं वासेंति सुवण्णरयणवइरआभरणवासं वासेंति, तए णं तस्स भरहस्स रण्णो रायहाणिं मज्झंमज्झेणं अणुपविसमाणस्स सिंघाडग- ( तिग- चउक्क - चच्चर -पणियावण ) महापहेसु बहवे अत्थत्थिआ कामत्थिआ भोगत्थिआ लाभत्थिआ इद्धिसिआ किब्बिसिआ कारोडिआ कारवाहिआ संखिया चक्किआ णंगलिआ मुहमंगलिआ पूसमाणया वद्धमाणया लंखमंखमाइया ताहिं ओरालाहिं इट्ठाहिं कंताहिं पिआहिं मणुन्नाहिं सिवाहिं धण्णाहिं मंगल्लाहिं सस्सिरीआहिं हिअयगमणिज्जाहिं हिअयपह्लायणिज्जाहिं वग्गूहिं अणुवरयं अभिनंदंता य अभिताय एवं वयासी - जय जय णंदा ! जय जय भद्दा ! भद्दं ते अजिअं जिणाहि जिअं पालयाहि जिअमज्झे वसाहि इंदो विव देवाणं चंदो विव ताराणं चमरो विव असुराणं धरणो विव नागाणं बहूइं पुव्वसयसहस्साइं बहूईओ पुव्वकोडीओ बहूईओ पुव्वकोडाकोडीओ विणीआए रायहाणी य चुल्लहिमवंतगिरिसागरमेरागस्स य केवलकप्पस्स भरहस्स वासस्स गामागरणगरखेडकब्बडमडंबदोणमुहपट्टणासमसण्णिवेसेसुसम्मं पयापालणोवज्जिअलद्धजसे महया जाव
१. देखें सूत्र संख्या ५२
२. देखें सूत्र संख्या ५०
३. देखें सूत्र संख्या ५३
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |