Page Text
________________
१५०]
[जम्बूद्वीपप्रज्ञप्तिसूत्र
भिमुहे जेणेव चुल्लहिमवंतवासहरपव्वए तेणेव उवागच्छइ २त्ता चुल्ल-हिमवंतवासहरपव्वयं तिक्खुत्तो रहसिरेणं फुसइ, फुसित्ता तुरए णिगिण्हइ, णिगिण्हित्ता तहेव (रहं ठवेइ २त्ता धj परामुसइ, तए णं तं अइरुग्गय-बालचन्द-इंदधणुसंकासं वरमहिस-दरिअदप्पिअदढघणसिंगरइअसारं उरगवरपवरगवलपवर-परहुअभमरकुलणीलिणिद्धधंत-धोअपट्टे णिउणोविअमिसिमिसिंतमणिरयणघंटिआजाल-परिक्खित्तं तडिततरुणकिरणतवणिज्जबद्धचिंधं दद्धरमलयगिरिसिहरकेसरचामरवालद्धचंदचिंध कालहरिअरत्तपीअसुक्किल्लबहुण्हारुणिसंपिणद्धजीवं जीविअंतकरणं चलजीवं धणू गहिऊण से णरवई उसु च वरवइरकोडिअं वइरसारतोंडं कंचणमणिकणगरयणधाइट्ठसुकयपुंखं अणेगमणिरयणविविह-सुविरइयनामचिंधं वइसाहं ठाईऊण ठाणं) आयत्तकण्णायतं च काऊण उसुमुदारं इमाणि वयणाणि तत्थ भाणीय से णरवई (हंदिसणंतु भवंतो,बाहिरओखलु सरस्सजे देवा णागासरा, तेसिंखणमो पणिवयामि। हंदि सुणंतु भवंतो, अब्भिंतरओ सरस्स जे देवा।णागासुरा सुवण्णा,) सव्वे मे ते विसयवासित्ति कट्ट उद्धं वेहासं उसुं णिसिरइ परिगरणिगरिअमझो, (वाउ असोभमाणकोसेज्जो। चित्तेण सोभाए धणुवरेण इंदोव्व पच्चक्खं।) तए णं से सरे भरहेणं रण्णा उड़े वेहासं णिसटे समाणे खिप्पामेव बावत्तरि जोअणाइं गंता चुल्लहिमवंतगिरि-कुमारस्स देवस्स मेराए णिवइए।
तए णं से चुल्लहिमवंतगिरिकुमारे देवे मेराए सरं णिवइअंपासइ २त्ता आसुरुत्ते रुद्वे (चंडिक्किए कुविए मिसिमिसेमाणे तिवलियं भिउडिं णिडाले साहरइ रत्ता एवं वयासी-केस णं भो एस अपत्थिअपत्थए दुरंतपंतलक्खणे हीणपुण्णचाउद्दसे हिरिसिरिपरिवज्जिए जे णं मम इमाए एआणुरूवाए दिव्वाए देविद्धीए दिव्वाए देवजुईए दिव्वेणं दिव्वाणुभावेणं लद्धाए पत्ताए अभिसमण्णागयाए उप्पिं अप्पुस्सुए भवणंसि सरं णिसिरइत्ति कट्ट सीहासणाओ अब्भुटेइ २त्ता जेणेव से णामाहयंके सरे तेणेव उवागच्छइ २त्ता तंणामाहयंकं सरंगेण्हइ, णामकं अणुप्पवाएइ, णामंकं अणुप्पवाएमाणस्स इमे एआरूवे अज्झथिए चिंतिए पत्थिए मणोगए संकप्पे समुप्पजित्था -उप्पण्णे खलु भो ! जंबूद्दीवे दीवे भरहे वासे भरहे णामं राया चाउरंतचक्कवट्टी, तंजीअमेअं तीअपच्चुप्पण्णमणागयाणं चुल्लहिमवंतगिरिकुमाराणं देवाणं राईणमुवत्थाणीअं करेत्तए। तं गच्छामि णं अहंपि भरहस्स रणो उवत्थाणीअं करेमित्ति कट्ट एवं संपेहेइ, संपेहेत्ता) पीइदाणं सव्वोसहिं च मालं गोसीसचंदणं कडगाणि (अतुडिआणि अवत्थाणि अआभरणाणि असरं च णामाहयंकं ) दहोदणं च गेण्हइ २त्ता ताए उक्किट्ठाए जाव उत्तरेणं चुल्लहिमवंतगिरिमेराए अहण्णं देवाणुप्पिआणं विसयवासी (अहण्णं देवाणुप्पिआणं आणत्तीकिंकरे ) अहण्णं देवाणुप्पिआणं उत्तरिल्ले अंतवाले (तं पडिच्छंतु णं देवाणुप्पिआ ! ममं इमेआरूवं पीइदाणंति कट्ट सव्वोसहिं च मालं गोसीसचंदणं कडगाणि अतुडिआणि अ वत्थाणि अ आभरणाणि अ सरं च णामाहयंकं दहोदगं च उवणेइ। तए णं से भरहे राजा चुल्लहिमवंतगिरिकुमारस्स देवस्स इमेयारूवं पीइदाणं पडिच्छइ २त्ता चुल्लहिमवंतगिरिकुमारं देवं ) पडिविसन्जेइ।
2. दग्न पत्र संख्या ३४
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |