________________
१४६ ]
[जम्बूद्वीपप्रज्ञप्तिसूत्र
समुपणं जाणत्ता सोलस देवसहस्सा सण्णज्झिउं पवत्ता यावि होत्था । तए णं ते देवा सण्णद्धबद्धवम्मिअकवया जाव ' गहिआउहप्पहरणा जेणेव ते मेहमुहा णागकुमारा देवा तेणेव उवागच्छंति २त्ता मेहमुहे नागकुमारे देवे एवं वयासी - 'हं भो ! मेहमुहा णागकुमारा ! देवा अप्पत्थिअपत्थगा ( दुरंतपंतलक्खणा हीणपुण्णचाउद्दसा हिरिसिरि-) परिवज्जिआ किण्णं तुभिण याह भर रायं चाउरंतचक्कवट्टिं महिड्डिअं (महज्जुइयं जाव महासोक्खं णो खलु एस सक्को केणइ देवेण बा दाणवेण वा किण्णरेण वा किंपुरिसेण वा महोरगेणं वा गंधव्वेण वा सत्थप्पओगेण वा अग्गिप्पओगेण वा मंतप्पओगेण वा ) उवद्दवित्तए वा पडिसेहित्तए वा तहावि णं तुब्भे भरहस्स रण्णो विजयखंधावारस्स उप्पिं जुगमुसलमुट्ठिप्पमाणमित्ताहिं धाराहिं ओघमेघं सत्तरत्तं वासं वासह, तं एवमवि गते इत्तो खिप्पामेव अवक्कमह अहव णं अज्ज पासह चित्तं जीवलोगं ।
तए णं ते मेहुमुहा णागकुमारा देवा तेहिं देवेहिं एवं वृत्ता समाणा भीआ तत्था वहि उव्वग्गा संजायभया मेघानीकं पडिसाहरंति २त्ता जेणेव आवाडचिलाया तेणेव उवागच्छंति २ त्ता आवाडचिलाए एवं वयासी - एस णं देवाणुप्पिआ ! भरहे राया महिड्डिए (महज्जुईए जाव महासोक्खे ) णो खलु एस सक्को केणइ देवेण वा (दाणवेण वा किण्णरेण वा किंपुरिसेण वा महोरगेण वा गंधव्वेण वा सत्थप्पओगेण वा ) अग्गिप्पओगेण वा ( मंतप्पओगेण वा ) उवद्दवित्तए वा पडिसेहित्तए वा तहाविअ णं ते अम्हेहिं देवाणुप्पिआ ! तुब्भं पियट्टयाए भरहस्स रण्णो उवसग्गे कए, गच्छह णं तुब्भे देवाणुप्पिआ ! ण्हाया कयबलिकम्मा कयको अमंगलपायच्छित्ता उल्लपडसाडगा ओचूलगणिअच्छा अग्गाई वराई रयणाई गहाय पंजलिउडा पायवडिआ भरहं रायाणं सरणं उवेह, पणिवइअवच्छला खलु उत्तमपुरिसा, णत्थि भे भरहस्स रण्णो अंतिआओ भयमिति कट्टु । एवं वदित्ता जामेव दिसिं पाउब्भूआ तामेव दिसिं पडिगया ।
तर ते आवाडचिलाया मेहमुहेहिं णागकुमारा देवेहिं एवं वृत्ता समाणा उट्ठाए उट्ठेति २त्ता ण्हाया कयबलिकम्मा कयकोउअमंगलपायच्छित्ता उल्लपडसाडगा ओचूलगणिअच्छा अग्गाई वराई रयणाई गहाय जेणेव भरहे राया तेणेव उवागच्छंति २त्ता करयलपरिग्गहिअं जाव मत्थए अंजलिं कट्टु जएणं विजएणं वद्धाविंति २त्ता अग्गाई वराई रयणाई उवर्णेति २त्ता एवं वयासीवसुहर गुणहर जयहर, हिरिसिरिधीकित्तिधारकणरिंद । लक्खणसहस्सधारक, रायमिदं णे चिरं धारे ॥ १ ॥ हयवइ गयवइ णरवइ, णवणिहिवइ भरहवासपढमवई । बत्तीसजणवयसहस्सराय, सामी चिरं पढमणरीसर ईसर, हिअईसर महिलिआसहस्साणं । देवसयसाहसीसर, चोद्दसरयणीसर
जीव ॥ २ ॥
जसंसी ॥ ३ ॥
१. देखें सूत्र संख्या ५७ २. देखें सूत्र संख्या ४४
