Page Text
________________
तृतीय वक्षस्कार]
[१२७
परिणममाणंसि पोसहसालाओ पडिणिक्खमइ २त्ता जेणेव मजणघरे तेणेव उवागच्छइ २त्ता पहाए कयबलिकम्मे कयकोउअमंगलपायच्छित्ते सुद्धप्पवेसाइं मंगलाई वत्थाई पवरपरिहिए अप्पमहग्घाभरणालंकियसरीरे धूवपुष्फगंधमल्लहत्थगए मजणघराओ पडिणिक्खमइ २त्ता जेणेव तिमिसगुहाए दाहिणिल्लस्स दुवारस्स कवाडा तेणेव पहारेत्थ गमणाए। तए णं तस्स सुसेणस्स सेणावइस्स बहवे राईसरतलवरमाडंबिअजाव ' सत्थवाहप्पभिइओ अप्पेगइआ उप्पलहत्थगया जाव २ सुसेणं सेणावई पिट्ठओ २ अणुगच्छंति। तए णं तस्स सुसेणस्स सेणावइस्स बहूईओ खुजाओ चिलाइआओ (वामणिआओवडभीओ बब्बरीओवउसिआओजोणियाओ पल्हवियाओ ईसिणियाओ चारुकिणियाओ लासियाओ लउसियाओ दमिलीआओ सिंहलिआओ अरबीओ पुलिंदीओ पक्कणिआओ बहलिआओ मुरुंडीओ सबरीओ पारसीओ) इंगिअचिंतिअपत्थिअविआणिआओ णिउणकुसलाओ विणीआओ अप्पेगइआओ कलसहत्थगआओ (चंगेरीपुष्फपडलहत्थगआओ भिंगारआदंसथालपातिसुपइट्ठगवायकरगरयणकरंडपुष्फचंगेरीमल्लवण्णचुण्णगंधहत्थगआओ वत्थआभरणलोमहत्थयचंगेरीपुष्फपडलहत्थगआओ जाव लोमहत्थगआओ अप्पेगइआओ सीहासणहत्थगआओ छत्तचामरहत्थगआओ तिल्लसमुग्गयहत्थगआओ) अणुगच्छंतीति। __ तए णं से सुसेणे सेणावई सव्विद्धीए सव्वजुईए जाव ३ णिग्घोसणाइएणं जेणेव तिमिसगुहाए दाहिणिल्लस्स दुवारस्स कवाडा तेणेव उवागच्छइ २त्ता आलोए पणामं करेइ २त्ता लोमहत्थगं परामुसइ २त्ता तिमिसगुहाए दाहिणिल्लस्स दुवारस्स कवाडे लोमहत्थेणं पमज्जइ २त्ता दिव्वाए उदगधाराए अब्भुक्खेइ २त्ता सरसेणं गोसीसचंदणेणं पंचगुलितले चच्चए दलइ २त्ता अग्गेहिं वरेहिं गंधेहि अ मल्लेहि अ अच्चिणेइ २त्ता पुप्फारुहणं ( मल्लगंधवण्णचुण्ण) वत्थारुहणं करेइ २त्ता आसत्तोसत्तविपुलवट्ट-(वग्धारियमल्लदामकलावं) करेइ २त्ता अच्छेहिं सण्णेहिं रययामएहिं अच्छरसातंडुलेहिं तिमिसगुहाए दाहिणिल्लस्स दुवारस्स कवाडाणं पुरओ अट्ठमंगलए आलिहइ, तंजहा-सोत्थियसिरिवच्छ-(णंदिआवत्तवद्धमाणगभद्दासणमच्छकलसदप्पणए ) कयग्गहगहिअकरयलपब्भट्ट-चंदप्पभवइरवेरुलिअविमलदंडं कंचणमणिरयणभत्तिचित्तं कालागुरुपवरकुंदरुक्कतुरुक्कधूवगंधुत्तमाणुविद्धं च धूमवट्टि विणिम्मुअंतं वेरुलिअमयं कडुच्छअंपग्गहेत्तु पयते) धूवंदलयइ २त्ता वामं जाणुंअंचेइ २त्ता करयल जाव मत्थए अंजलिं कटु कवाडाणं पणामं करेइ २त्ता दंडरयणं परामुसइ।तएणं तं दंडरयणं पंचलइअंवइरसारमइअं विणासणं सव्वसत्तुसेण्णाणं खंधावारे णरवइस्स गड्ड-दरि-विसमपब्भारगिरिवरपवायाणं समीकरणं संतिकरंसभकरं हितकरं रण्णो हिअ-इच्छिअ-मणोरहपूरगं दिव्वमप्पडिहयं दंडरयणं गहया सत्तपट्ठपयाइं पच्चोसक्कइ, पच्चोसक्कित्ता तिमिसगुहाए दाहिणिल्लस्स दुवारस्स कवाडे दंडरयणेणं महया २ सद्देणं तिक्खुत्तो आउडेइ। तए णं तिमिसगुहाए दाहिणिल्लस्स दुवारस्स
देखें सूत्र संख्या ४४
१. देखें सूत्र संख्या ४४ २. देखें सूत्र संख्या ४४ ३. देखें सूत्र संख्या ५२
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |