Page Text
________________
८०]
[जम्बूद्वीपप्रज्ञप्तिसूत्र
धूलिमइला, दुव्विसहा, वाउला, भयंकरा य वाया संवट्टगा य वाइंति, इह अभिक्खणं २ धूमाहिति अदिसा समंता रउस्सला रेणुकलुसतमपडलणिरालोआ, समयलुक्खयाए णं अहिअंचंदा सीअं मोच्छिहिंति, अहिअंसूरिआ तविस्संति, अदुत्तरंचणंगोयमा ! अभिक्खणंअरसमेहा, विरसमेहा, खारमेहा, खत्तमेहा, अग्गिमेहा, विजुमेहा, विसमेहा, अजवणिज्जोदगा, वाहिरोगवेदणोदीरणपरिणामसलिला, अमणुण्णपाणिअगा चंडानिलपहततिक्खधाराणिवातपउरं वासंवासिहिंति, जेणं भरहे वासे गामागरणगरखेडकब्बडमडंबदोणमुहपट्टणासमगयंजणवयं, चउप्पयगवेलए,खहयरे, पक्खिसंघे गामारण्णप्पयारणिरए तसे अपाणे, बहुप्पयारे रुक्खगुच्छगुम्मलयवल्लिपवालंकुरमादीए तणवणस्सइकाइए ओसहीओ अविद्धंसेहिंति, पव्वयगिरिडोंगरुत्थलभट्ठिमादीए अवेअड्डगिरिवज्जे विरावेहिंति, सलिलबिलविसमगत्तणिण्णुण्णयाणिअगंगासिंधुवज्जाइं समीकरेहिति।
तीसे णं भंते ! समाए भरहस्स वासस्स भूमीए केरिसए आयारभावपडोआरे भविस्सइ?
गोयमा ! भूमी भविस्सइइंगालभूआ, मुम्मुरभूआ, छारिअभूआ, तत्तकवेल्लुअभूआ, तत्तसमजोइभूआ, धूलिबहुला, रेणुबहुला, पंकबहुला, पणयबहुला, चलणिबहुला, बहूणं धरणिगोअराणं सत्ताणं दुन्निक्कमा यावि भविस्सइ।
तीसे णं भंते ! समाए भरहे वासे मणुआणं केरिसए आयारभावपडोआरे भविस्सइ ?
गोयमा ! मणुआ भविस्संति दुरूवा, दुव्वण्णा, दुगंधा, दुरसा, दुफासा, अणिट्ठा, अकंता, अप्पिआ, असुभा, अमणुन्ना, अमणामा, हीणस्सरा, दीणस्सरा, अणिट्ठस्सरा, अकंतस्सरा, अप्पिअस्सरा, अमणामस्सरा, अमणुण्णस्सरा, अणादेज्जवयणपच्चायाता, पिल्लज्जा, कूडकवड-कलह-बंध-वेर-निरया, मज्जायातिक्कमप्पहाणा, अकज्जणिच्चुज्जूया गुरुणिओगविणयरहिआ य, विकलरूवा, परूढणहकेसमंसुरोमा, काला, खरफरुससमावण्णा, फुट्टसिरा, कविलपरिअकेसा, बहुण्हारुणिसंपिणद्धदुईसणिज्जरूवा, संकुडिअ-वलीतरंग-परिवेढिअंगमंगा, जरापरिणयव्वथेरगणरा, पविरलपरिसडिअदंतसेढी, उब्भडघडमुहा, विसमणयणवंकणासा, वंकवलीविगयभेणमुहा, दद्द-विकिटिभ-सिब्भ-फुडिअ-फरु सच्छवी, चित्तलंगमंगा, कच्छूखसराभिभूआ,खरतिक्खणक्खकंडूइअविकयतणू, टोलगतिविसमसंधिबंधणा, उक्कडुअट्ठिअविभत्तदुव्वलकुसंघयणकुप्पमाणकुसंठिआ, कुरूवा, कुट्ठाणासणकुसेजकुभोइणो,असुइणो, अणेगवाहिपीलिअंगमंगा, खलंतविब्भलगई, णिरुच्छाहा, सत्तपरिवज्जिाया विगयचेट्टा, नट्ठतेआ, अभिक्खणं, सीउण्हखरफरुसवायविज्झडिअमलिणपंसुरओगुंडिअंगमंगा, बहुकोहमाणमायालोभा, बहुमोहा,असुभदुक्खभागी,ओसण्णं धम्मसण्णसम्मत्तपरिब्भट्ठा, उक्कोसेणंरयणिप्पमाणमेत्ता, सोलसवीसइवासपरमाउसो, बहुपुत्त-णत्तुपरियालपणयबहुला गंगासिंधूओ महाणईओ वेअड्ढे च पव्वयं नीसाए बावत्तरि णिगोअबीअं बीअमेत्ता बिलवासिणो मणुआ भविस्संति।
ते णं भंते ! मणुआ किमाहारिस्संति ? गोयमा ! ते णं कालेणं ते णं समएणं गंगासिंधूओ महाणईओ रहपहमित्तवित्थराओ
| SR No. | 003460 |
| Book Title | Agam 18 Upang 07 Jambudveep Pragnapti Sutra Stahanakvasi |
| Original Sutra Author | N/A |
| Author | Madhukarmuni, Chhaganlal Shastri, Shobhachad Bharilla |
| Publisher | Agam Prakashan Samiti |
| Publication Year | 1986 |
| Total Pages | 482 |
| Language | Hindi |
| Classification | Book_Devnagari, Agam, Canon, Geography, & agam_jambudwipapragnapti |
| File Size | 10 MB |