________________
३२]
[जीवाजीवाभिगमसूत्र धातकीखण्ड की वक्तव्यता
१७४. लवणसमुदं धायइसंडे णामं दीवे वट्टे वलयागारसंठाणसंठिए सव्वओ समंता संपरिक्खिवित्ताणं चिट्ठइ।
धायइसंडे णं भंते ! दीवे किं समचक्कवालसंठिए विसमचक्कवालसंठिए ? गोयमा ! समचक्कवालसंठिए नो विसमचक्कवालसंठिए। धायइसंडे णं भंते ! दीवे केवइयं चक्कवालविक्खंभेणं केवइयं परिक्खेवेणं पण्णत्ते ?
गोयमा ! चत्तारि जोयणसयसहस्साई चक्कवालविक्खंभेणं, एकयालीसं जोयणसयसहस्साई दसजोयणसहस्साइं णवएगढे जोयणसए किंचिविसेसूणे परिक्खेवेणं पण्णत्ते।
से णं एगाए पउमवरवेइयाए एगेणं वणसंडेणं सव्वओ समंता संपरिक्खित्ते, दोण्ह वि वण्णओ दीवसमिया परिक्खेवेणं।
धायइसंडस्स णं भंते ! दीवस्स कति दारा पण्णत्ता ? गोयमा ! चतारि दारा पण्णत्ता-विजए, वेजयंते, जयंते, अपराजिए। कहि णं भंते ! धायइसंडस्स दीवस्स विजए णामं दारे पण्णत्ते ?
गोयमा ! धायइसंडपुरथिमपेरंते कालोयसमुद्दपुरथिमद्धस्स पच्चत्थिमेणं सीयाए महाणदीए उप्पिं एत्थ णं धायइसंडस्स दीवस्स विजए णामं दारे पण्णत्ते, तं चेव पमाणं। रायहाणीओ अण्णंमि धायइसंडे दीवे। दीवस्स वत्तव्वया भाणियव्वा। एवं चत्तारिवि दारा भाणियव्वा। .
धायइसंडस्सं णं भंते ! दीवस्स दारस्स य दारस्स य एस णं केवइयं अबाहाए अंतरे पण्णते?
गोयमा ! दस जोयणसयसहस्साई सत्तावीसं च जोयणसहस्साई सत्तपणतीसे जोयणसए तिन्नि य कोसे दारस्स य दारस्स य अबाहाए अंतरे पण्णत्ते।
धायइसंडस्स णं भंते ! दीवस्स पएसा कालोयगं समुदं पुट्ठा ? हंता, पुट्ठा । ते णं भंते ! किं धायइसंडे दीवे कालोए समुद्दे ? ते धायइसंडे, नो खलु ते कालोयसमुद्दे । एवं कालोयस्सवि।
धायइसंडदीवे जीवा उद्दाइत्ता उद्दाइत्ता कालोए समुद्दे पच्चायंति ?
गोयमा ! अत्थेगइया पच्चायति अत्थेगइया नो पच्चायंति। एवं कालोएवि अत्थेगइया पच्चायंति अत्थेगइया नो पच्चायंति।
से केणठेण भंते ! एवं वुच्चइ-धायइसंडे दीवे धायइसंडे दीवे ?
गोयमा ! धायइसंडे णं दीवे तत्थ तत्थ पएसे धायइरूक्खा धायइवणा धायइवणसंडा णिच्चं कु सुमिया जाव उवसोभे माणा उवसोभेमाणा चिट्ठं ति। धायइमहाधायइरूक्खेसु सुदंसणपियदंसणा दुवे देवा महिड्डिया जाव पलिओवमट्टिईया परिवसंति, से एएणढेणं एवं
