________________
प्रथम प्रतिपत्ति: पृथ्वीकाय का वर्णन ]
गोयमा ! सागारोवउत्ता वि अणागारोवउत्ता वि।
[१७] भगवन्! वे जीव क्या साकारोपयोग वाले हैं या अनाकारोपयोग वाले ? गौतम ! साकार - उपयोग वाले भी हैं और अनाकार- उपयोग वाले भी हैं।
[२७
[१८] ते णं भंते! जीवा किमाहारमाहारेंति ?
गोयमा ! दव्वओ अणतपएसियाई, खेत्तओ असंखेज्जपएसोवगाढाई, कालओ अन्नयर समयट्ठियाइं, भावओ वण्णमंताई, गंधमंताई, रसमंताई, फासमंताई जाई भावओ वण्णमंताई आहारेंति ताइं किं एगवण्णाई आ०, दुवण्णाई आ०, तिवण्णाई आ०, चउवण्णाई आ०, पंचवण्णाई आहारेंति ?
गोयमा ! ठाणमग्गणं पडुच्च एगवण्णाई पि दुवण्णाइं पि तिवण्णाइं पि चडवण्णाई पि पंचवण्णाइं पि आहारेंति । विहाणमग्गणं पडुच्च कालाई पि आ० जाव सुक्किलाई पि आहारेंति । जाई वणओ कालाई आहारेंति ताइं कि एगगुण कालाई आ० जाव अनंतगुणकालाई आहारेंति ?
गोमा ! एगगुणकालाई पि आ० जाव अनंतगुणकालाई पि आ० एवं जाव सुक्किलाई ॥ जाई भावओ गंधमंताई आ० ताई किं एगगंधाई आ० दुगंधाई आहारेंति ?
गोयमा! ठाणमग्गणं पडुच्च एगगंधाई पि आ० दुगंधाई पि आ । विहाणमग्गणं पडुच्च सुभगंधाई पि ० दुब्भगंधाई पि आ० ।
गंध सुभिधाई आ० ताइं कि एगगुणसुब्भिगंधाई आ० जाव अनंतगुणसुब्भिगंधाई
आहारेंति ?
गोमा ! एगगुणसुभिगंधाई पि आ० जाव अनंतगुणसुब्भिगंधाई पि आहारेंति । एवं दुभिगंधाई पि ।
रसा जहा वण्णा ।
जाई भावओ फासमंताई आहारेंति ताई किं एगफासाई आ० जाव अट्ठफासाई आहारेंति ? गोयमा ! ठाणं मग्गणं पडुच्च नो एगफासाइं आ० नो दुफासाइं आ० नो तिफासाइं आ चउफासाई आ॰ पंचफासाइं पि जाव अट्ठाफासाइं पि आहारेंति । विहाणमग्गणं पडुच्च कक्खडाइं पि आ० जाव लुक्खाइं पि आहारेंति ।
जाई फासओ कक्खडाई आ० ताई किं एगगुणकक्खडाइं आ० जाव अनंतगुणकक्खडाई आहारेंति ?
गोयमा! एगगुणकक्खडाई पि आहारेंति जाव अनंतगुणकक्खडाई पि आहारेंति एवं जाव लुक्खा यव्वा ।
ताइं भंते किं पुट्ठाई आहारेंति अपुट्ठाई आ० ? गोयमा ! पुट्ठाई आ० नो अपुट्ठाई आ० ।
