________________
१६२]
[जीवाजीवाभिगमसूत्र
से किं तं नेरइयनपुंसका? नेरइयनपुंसका सत्तविहा पण्णत्ता, तं जहारयणप्पभापुढविनेरइयनपुंसका, सक्करपभापुढविनेरइयनपुंसका, जाव अहेसत्तमपुढविनेरइयनपुंसका। से तं नेरइयनपुंसका। से किं तं तिरिक्खजोणियनपुंसका ? तिरिक्खजोणियनपुंसका पंचविहा पण्णत्ताएगिंदियतिरिक्खजोणियनपुंसका, बेइंदियतिरिक्खजोणियनपुंसका, तेइंदियतिरिक्खजोणियनपुंसका, चउरिंदियतिरिक्खजोणियनपुंसका, पंचिंदियतिरिक्खजोणियनपुंसका। से किं तं एगिंदियतिरिक्खजोणियनपुंसका? एगिंदियतिरिक्खजोणियनपुंसका पंचविहा पण्णत्ता, तं जहा
पुढविकाइयएगिंदियतिरिक्खजोणियनपुंसका जाव वणस्सइकाइयतिरिक्खजोणियनपुंसका।
सेत्तं एगिदियतिरिक्खजोणियनपुंसका। से किं तं बेइंदियतिरिक्खजोणियनपुंसका? बेइंदियतिरिक्खजोणियनपुंसका अणेगविहा पण्णत्ता । से त्तं बेइंदियतिरिक्खजोणियनपुंसका। एवं तेइंदिया वि, चउरिंदिया वि। से किं तं पंचिंदियतिरिक्खजोणियनपुंसका? पंचिंदियतिरिक्खजोणियनपुंसका तिविहा पण्णत्ता, तं जहाजलयरा, थलयरा, खहयरा। से किं तं जलयरा?
सो चेव पुव्वुत्तभेदो आसालियवज्जिओ भाणियव्यो। से तं पंचिंदियतिरिक्खजोणियनपुंसका।
से किं तं मणुस्सनपुंसका? मणुस्सनपुंसका तिविहा पण्णत्ता, तं जहाकम्मभूमगा, अकम्मभूमगा, अंतरदीवगा भेदो जाव भाणियव्यो।
