________________
४८
औपपातिकसूत्र
सुयणाणविणए, ३ ओहिणाणविणए, ४ मणपज्जवणाणविणए ५ केवलणाणविणए ।
से किं तं दंसणविणए ? दुविहे पण्णत्ते । तं जहा—१ सुस्सूसणाविणए २ अणच्चासायणाविणए ।
से किं तं सुस्सूसणाविणए ? सुस्सूसणाविणए अणेगविहे पण्णत्ते । तं जहा—१ अब्भुट्ठाणे इ वा, २ आसणाभिग्गहे इ वा, ३ आसणप्पदाणे इ वा, ४ सक्कारे इ वा, ५ सम्माणे इ वा, ६ कि - कम्मे इवा, ७ अंजलिप्पग्गहे इ वा, ८ एंतस्स अणुगच्छणया, ९ ठियस्स पज्जुवासणया, १० गच्छंतस्स पडिसंसाहणया, से तं सुस्सूसणाविणए ।
से किं तं अणच्चासायणाविणए ? अणच्चासायणाविणए पणयालीसविहे पण्णत्ते । तं जहा— १ अरहंताणं अणच्चासायणया २ अरहंतपण्णत्तस्स धम्मस्स अणच्चासायणया ३ आयरियाणं अणच्चासायणया एवं ४ उवज्झायाणं ५ थेराणं ६ कुलस्स ७ गणस्स ८ संघस्स ९ किरियाणं १० संभोगस्स ११ आभिणिबोहियणाणस्स १२ सुयणाणस्स १३ ओहिणाणस्स १४ मणपज्जवणाणस्स १५ केवलणाणस्स १६- ३० एएसिं चेव भत्तिबहुमाणे, ३१-४५ एएसिं चेव वण्णसंजलणया, से तं अणच्चासायणाविणए ।
से किं तं चरित्तविणए ? चरित्तविणए पंचविहे पण्णत्ते । तं जहा—१ सामाइयचरित्तविणए, २ छेदोवट्ठावणियचरित्तविणए, ३ परिहारविसुद्धिचरित्तविणए, ४ सुहुमसंपरायचरित्तविणए, ५ अहक्खायचरित्तविणए, से तं चरित्तविणए ।
से किं तं मणविणए ? मणविणए दुविहे पण्णत्ते । तं जहा—१ पसत्थमणविणए, २ अपसत्थमणविणए ।
से किं तं अपसत्थमणविणए ? अपसत्थमणविणए जे य मणे १ सावज्जे, २ सकिरिए, ३ सकक्कसे, ४ कडुए, ५ णिट्टुरे, ६ फरुसे, ७ अण्हयकरे, ८ छेयकरे, ९ भेयकरे, १० परितावणकरे, ११ उद्दवणकरे, १२ भूओवघाइए, तहप्पगारं मणो णो पहारेज्जा से तं अपसत्थमणोविणए।
से किं तं सत्थमणोविणए ? पसत्थमणोचिणए तं चेव पसत्थं णेयव्वं । एवं चेव वइविणओवि एएहिं पएहिं चेव णेयव्वो, से तं वइविणए ।
से किं तं कायविए ? कायविणए दुविहे पण्णत्ते । तं जहा—१ पसत्थकायविणए २ अपसत्थकायविणए ।
से किं तं अपसत्थकायविणए ? अपसत्थकायविणए सत्तविहे पण्णत्ते । तं जहा—१ अणाउत्तं गमणे, २ अणाउत्तं ठाणे, ३ अणाउत्तं निसीदणे, ४ अणाउत्तं तुयट्टणे, ५ अणाउत्तं उल्लंघणे, अणाउत्तं पलंघणे, ७ अणाउत्तं सव्विंदियकायजोगजुंजणया, से तं अपसत्थकायविणए ।
६
से किं तं सत्थकायविणए ? पसत्थकायविणए एवं चेव पसत्थं भाणियव्वं । से तं पसत्थकाविण, सेतं कायविणए ।
से किं तं लोगोवयारविणए ? लोगोवयारविणए सत्तविहे पण्णत्ते । तं जहा—१ अब्भास
