________________
तप का विवेचन
४९
वत्तियं, २ परच्छंदाणुवत्तियं, ३ कज्जहेडं, ४ कयपडिकिरिया, ५ अत्तगवेसणया, ६ देसकालण्णुया, ७ सव्वढेसु अप्पडिलोमया, से तं लोगोवयारविणए, से तं विणए।
से किं तं वेयावच्चे ? वेयावच्चे दसविहे पण्णत्ते। तं जहा–१ आयरियवेयावच्चे, २ उवज्झायवेयावच्चे, ३ सेहवेयावच्चे, ४ गिलाणवेयावच्चे, ५ तवस्सिवेयावच्चे, ६ थेरवेयावच्चे, ७ साहम्मियवेयावच्चे, ८ कुलवेयावच्चे, ९ गणवेयावच्चे, १० संघवेयावच्चे, से तं वेयावच्चे।
से किं तं सज्झाए ? सज्झाए पंचविहे पण्णत्ते। ते जहा—१ वायणा २ पडिपुच्छणा ३ परियट्टणा ४ अणुप्पेहा ५ धम्मकहा, से तं सज्झाए।
से किं तं झाणे ? झाणे चउविहे पण्णत्ते। तं जहा–१ अट्टल्झाणे २ रुद्दज्झाणे ३ धम्मज्झाणे ४ सुक्कज्झाणे।
अट्टज्झाणे चउविहे पण्णत्ते। तं जहा—१ अमणुण्णसंपओगसंपउत्ते तस्स विप्पओगसतिसमण्णागए यावि भवइ, २ मणुण्णसंपओगसंपउत्ते तस्स अविप्पओगसतिसमण्णागए यावि भवइ, ३ आयंकसंपओगसंपउत्ते तस्स विप्पओगसतिसमण्णागए यावि भवइ, ४ परिजूसियकामभोगसंपओगसंपउत्ते तस्स अविप्पओगसतिसमण्णागए यावि भवइ। ___अट्टस्स णं झाणस्स चत्तारि लक्खणा पण्णत्ता। तं जहा–१ कंदणया, २ सोयणया, ३ तिप्पणया, ४ विलवणया।
रुद्द झाणे चउव्विहे पण्णत्ते। तं जहा—१ हिंसाणुबंधी, २ मोसाणुबंधी, ३ तेणाणुबंधी, ४ सारक्खणाणुबंधी।
रुद्दस्स णं झाणस्स चत्तारि लक्खणा पण्णत्ता। तं जहा–१ उसण्णदोसे, २ बहुदोसे, ३ अण्णाणदोसे, ४ आमरणंतदोसे।
धम्मज्झाणे चउव्विहे चउप्पडोयारे पण्णत्ते। तं जहा–१ आणाविजए, २ अवायविजए, ३ विवागविजए, ४ संठाणविजए।
धम्मस्स णं झाणस्स चत्तारि लक्खणा पण्णत्ता। तं जहा–१ आणारुई, २ णिसग्गरुई, ३ उवएसरुई, ४ सुत्तरुई।
धम्मस्स णं झाणस्स चत्तारि आलंबणा पण्णत्ता। तं जहा–१ वायणा, २ पुच्छणा, ३ परियट्टणा, ४ धम्मकहा।
धम्मस्स णं झाणस्स चत्तारि अणुप्पेहाओ पण्णत्ताओ। तं जहा–१ अणिच्वाणुप्पेहा, २ असरणाणुप्पेहा, ३ एगत्ताणुप्पेहा, ४ संसाराणुप्पेहा।
सुक्कज्झाणे चउव्विहे चउप्पडोयारे पण्णत्ते। तं जहा–१ पुहुत्तवियक्के सवियारी, २ एगत्तवियक्के अवियारी, ३ सुहमकिरिए अप्पडिवाई, ४ समुच्छिन्नकिरिए अणियट्ठी।
सुक्कस्स णं झाणस्स चत्तारि लक्खणा पण्णत्ता। तं जहा–१ विवेगे, २ विउस्सग्गे, ३ अव्वहे, ४ असम्मोहे।
