Page Text
________________
तप का विवेचन
से किं तं पडिसंलीणया ? पडिसंलिणया चउव्विहा पण्णत्ता । तं जहा—१ इंदियपडिसंलीणया, २ कसायपडिलीणया, ३ जोगपडिसंलीणया, ४ विवित्तसयणासणसेवणया । से किं तं इंदियपडिसंलीणया ? इंदियपडिसंलीणया पंचविहा पण्णत्ता । तं जहा—१ सोइंदियविसयप्पयारनिरोहो वा, सोइंदियविसयपत्ते अत्थेसु रागदोसनिग्गहो वा, २ चक्खिदियविसयप्पयारनिरोहो वा, चक्खिदियविसयपत्ते अत्थेसु रागदोसनिग्गहो वा, ३ घाणिंदियविसयप्पयारनिरोहो वा, घाणिंदियविसयपत्तेसु अत्थेसु रागदोसनिग्गहो वा, ४ जिब्भिंदियविसयप्पयारनिरोहो वा, जिब्भिंदियविसयपत्तेसु अत्थेसु रागदोसनिग्गहो वा, ५ फासिंदियविसयप्पयारनिरोहो वा, फासिंदियविसयपत्तेसु अत्थेसु रागदोसनिग्गहो वा, से तं इंदियपडिसंलीणया ।
से किं तं कसायपडिसंलीणया ? कसायपडिसंलीणया चउव्विहा पण्णत्ता । तं जहा—१ कोहस्सुदयनिरोहो वा, उदयपत्तस्स वा कोहस्स विफलीकरणं २ माणस्सुदयनिरोहो वा उदयपत्तस्स वा माणस्स विफलीकरणं, ३ मायाउदयणिरोहो वा, उदयपत्तस्स वा मायाए विफलीकरणं, ४ लोहस्सुदयणिरोहो वा उदयपत्तस्स वा लोहस्स विफलीकरणं, से तं कसायपडिसंलीणया ।
से किं तं जोंगपडिसंलीणया ? जोगपडिसंलीणया तिविहा पण्णत्ता । तं जहा – १ मणजोगपडिलीणया, २ वयजोगपडिसंलीणया, ३ कायजोगपडिसंलीणया ।
से किं तं मणजोगपडिसंलीणया ? १ अकुसलमणणिरोहो वा २ कुसलमणउदीरणं वा, से तं मणजोगपडिसंलीणया। से किं तं वयजोगपडिसंलीणया ? १ अकुसलवयणिरोहो वा, २ कुसलवयउदीरणं वा, से तं वयजोगपडिसंलीणया । से किं तं कायजोगपडिसंलीणया ? कायजोगपडिसंलीणया जंणं सुसमाहियपाणिपाए कुम्मो इव गुत्तिंदिए सव्वगायपडिसंलीणे चिट्ठइ, से तं कायजोगपडिसंलीणया ।
४७
से किं तं विवित्तसयणासणसेवणया ? विवित्तसयणासणसेवणया जं णं आरामेसु, उज्जाणेसु, देवकुलेसु, सहासु, पवासु, पणियगिहेसु, पणियसालासु, इत्थीपसुपंडगसंसत्तविरहियासु वसहीसु फासुएसणिज्जं पीढ - फलग - सेज्जा - संथारगं उवसंमज्जित्ताणं विहरइ । से तं पडिसंलीणया, से तं बाहिरए तवे ।
से किं तं अब्धिंतरए तवे ? अब्धिंतरए छव्विहे पण्णत्ते । तं जहा—१ पायच्छित्तं, २ विणए, ३ वेयावच्चं, ४ सज्झाओ, ५ झाणं, ६ विउस्सग्गो ।
से किं तं पायच्छित्ते ? २ दसविहे पण्णत्ते । तं जहा—१ आलोयणारिहे, २ पडिक्कमणारिहे, ३ तदुभयारि ४ विवेगारिहे, ५ विउस्सग्गारिहे, ६ तवारिहे, ७ छेदारिहे, ८ मूलारिहे ९ अणवट्ठप्यारिहे १० पारंचियारिहे, से णं पायच्छित्ते ।
से किं तं विणए ? विणए सत्तविहे पण्णत्ते । तं जहा—१ णाणविणए, २ दंसणविणए, ३ चरित्तविणए, ४ मणविणए, ५ वइविणए, ६ कायविणए ७ लोगोवयारविणए ।
से किं तं णाणविणए ? पंचविहे पण्णत्ते, तं जहा—१ आभिणिबोहियणाणविणए, २
| SR No. | 003452 |
| Book Title | Agam 12 Upang 01 Auppatik Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Devendramuni, Ratanmuni |
| Publisher | Agam Prakashan Samiti |
| Publication Year | 1992 |
| Total Pages | 242 |
| Language | Hindi |
| Classification | Book_Devnagari, Agam, Canon, Principle, & agam_aupapatik |
| File Size | 17 MB |