Page Text
________________
४६
औपपातिकसूत्र से किं तं भत्तपच्चक्खाणे ? भत्तपच्चक्खाणे दुविहे पण्णत्ते। तं जहा—१ वाघाइमे य २ निव्वाघाइमे य णियमा सपडिकम्मे। से तं भत्तपच्चक्खाणे, से तं अणसणे।
से किं तं ओमोयरियाओ ? २ दुविहा पण्णत्ता। तं जहा–१ दव्वोमोयरिया य २ भावोमोयरिया य।
से किं तं दव्योमोयरिया ? दुविहा पण्णत्ता। तं जहा–१ उवगरणदव्वोमोयरिया य २ भत्तपाणदव्वोमोयरिया य।
से किं तं उवगरणदव्वोमोयरिया ? उवगरणदव्वोमोयरिया तिविहा पण्णत्ता। तं जहा–१ एगे वत्थे २ एगे पाए ३ चियत्तोवकरणसाइजणया, से तं उवगरणदव्वोमोयरिया।
से किं तं भत्तपाणदव्वोमोयरिया ? भत्तपाणदव्योमोयरिया अणेगविहा पण्णत्ता। तं जहा१ अट्ठकुक्कुडिअंडगप्पमाणमेत्ते कवले आहारमाणे अप्पाहारे, २ दुवालस कुक्कुडिअंडगप्पमाणमेत्ते कवले आहारमाणे अवड्डोमोयरिया, ३ सोलस कुक्कुडिअंडगप्पमाणमेत्ते कवले आहारमाणे दुभागपत्तोमोयरिया, ४ चउवीसं कुक्कुडिअंडगप्पमाणमेत्ते कवले आहारमाणे पत्तोमोयरिया, ५ एक्कतीसं कुक्कुडिअंडगप्पमाणमेत्ते कवले आहारमाणे किंचूणोमोयरिया, ६ बत्तीसं कुक्कुडिअंडगप्पमाणमेत्ते कवले आहारमाणे पमाणपत्ता, ७ एत्तो एगेण वि घासेणं ऊणयं आहारमाहारेमाणे समणे णिग्गंथे णो पकामरसभोइत्ति वत्तव्वं सिया। से तं भत्तपाणदव्वोमोयरिया, से तं दव्वोमोयरिया।
से किं तं भावोमोयरिया ? भावोमोयरिया अणेगविहा पण्णत्ता। तं जहा अप्पकोहे, अप्पमाणे, अप्पमाए, अप्पलोहे, अप्पसद्दे, अप्पझंझे। से तं भावोमोयरिया, से तं ओमोयरिया।
से किं तं भिक्खायरिया ? भिक्खायरिया अणेगविहा पण्णत्ता। तं जहा–१ दव्वाभिग्गहचरए, २ खेत्ताभिग्गहचरए, ३ कालाभिग्गहचरए, ४ भावाभिग्गहचरए, ५ उक्खित्तचरए, ६ णिक्खित्तचरए, ७ उक्खित्तणिक्खित्तचरए, ८ णिक्खित्तउक्खित्तचरए, ९ वट्टिजमाणचरए, १० साहरिजमाणचरए, ११ उवणीयचरए, १२ अवणीयचरए, १३ उवणीयअवणीयचरए, १४ अवणीयउवणीयचरए, १४ संसट्ठचरए, १६ असंसट्ठचरए, १७ तज्जायसंसट्ठचरए, १८ अण्णायचरए, १९ मोणचरए, २० दिट्ठलाभिए, २१ अदिट्ठलाभिए, २२ पुट्ठलाभिए, २३ अपुट्ठलाभिए, २४ भिक्खालाभिए, २५ अभिक्खालाभिए, २६ अण्णगिलायए, २७ ओवणिहिए, २८ परिमियपिंडवाइए, २९ सुद्धेसणिए, ३० संखादत्तिए। से तं भिक्खायरिया।
से किं तं रसपरिच्चाए ? रसपरिच्चाए अणेगविहे पण्णत्ते। तं जहा–१ निव्वीइए, २ पणीयरसपरिच्चाए, ३ आयंबिलिए, ४ आयामसित्थभोई, ५ अरसाहारे, ६ विरसाहारे, ७ अंताहारे, ८ पंताहारे, ९ लूहाहारे, से तं रसपरिच्चाए। ___से किं तं कायकिलेसे ? कायकिलेसे अणेगविहे पण्णत्ते। तं जहा–१ ठाणट्ठिइए, २ उक्कुडुयासणिए, ३ पडिमट्ठाई, ४ वीरासणिए, ५ नेसज्जिए, ६ आयावए, ७ अवाउडए, ८ अकंडुयए, ९ अणिठूहए, १० सव्वगायपरिकम्मविभूसविप्पमुक्के, से तं कायकिलेसे।
| SR No. | 003452 |
| Book Title | Agam 12 Upang 01 Auppatik Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Devendramuni, Ratanmuni |
| Publisher | Agam Prakashan Samiti |
| Publication Year | 1992 |
| Total Pages | 242 |
| Language | Hindi |
| Classification | Book_Devnagari, Agam, Canon, Principle, & agam_aupapatik |
| File Size | 17 MB |