Page Text
________________
१०६
औपपातिकसूत्र
आदक्षिण-प्रदक्षिणा की। वैसा कर वन्दन-नमस्कार किया। वन्दन-नमस्कार कर वे अपने पति महाराज कूणिक को आगे कर अपने परिजनों सहित भगवान् के सम्मुख विनयपूर्वक हाथ जोड़े पर्युपासना करने लगीं। भगवान् द्वारा धर्म-देशना
५६-तए णं समणे भगवं महावीरे कूणियस्स रणो भंभसारपुत्तस्स सुभद्दापमुहाणं देवीणं तीसे य महतिमहालियाए परिसाए इसिपरिसाए, मुणिपरिसाए, जइपरिसाए, देवपरिसाए, अणेगसयाए, अणेगसयवंदाए, अणेगसयवंदपरिवाराए, ओहबले, अइबले, महब्बले, अपरिमियबलवीरियतेयमाहप्पकंतिजुत्ते, सारय-णवत्थणिय-महुर-गंभीर-कोंचणिग्घोस-दुंदुभिस्सरे, उरे वित्थडाए कंठे वट्टियाए सिरे समाइण्णाए अगरलाए अमम्मणाए सुव्वत्तक्खरसण्णिवाइयाए पुण्णरत्ताए सव्वभासाणुगामिणीए सरस्सईए जोयणणीहारिणा सरेणं अद्धमागहाए भासाए भासइ अरिहा धम्म परिकहेइ। तेसिं सव्वेसिं आरियमणारियाणं अगिलाए धम्म आइक्खइ, सावि य णं अद्धमागहा भासा तेसिं सव्वेसिं आरियमणारियाणं अप्पणो सभासाए परिणामेणं परिणमइ।
तं जहा–अस्थि लोए, अत्थि अलोए, एवं जीवा, अजीवा, बंधे, मोक्खे, पुण्णे, पावे, आसवे, संवरे, वेयणा, णिजरा, अरिहंता, चक्कवट्टी, बलदेवा, वासुदेवा, नरगा, णेरड्या, तिरिक्खजोणिया, तिरिक्खजोणिणीओ, माया, पिया, रिसओ, देवा, देवलोया, सिद्धि, सिद्धा, परिणिव्वाणे परिणिव्वुया।
अस्थि, १ पाणाइवाए, २ मुसावाए, ३ अदिण्णादाणे, ४ मेहुणे, ५ परिग्गहे अत्थि ६ कोहे, ७ माणे, ८ माया, ९ लोभे, अत्थि जाव (१० पेजे, ११ दोसे, १२ कलहे, १३ अब्भखाणे, १४ पेसुण्णे, १५ परपरिवाए, १६ अरहरई, १७ मायामोसे,) १८ मिच्छादसणसल्ले। ____ अत्थि पाणाइवायवेरमणे, मुसावायवेरमणे, अदिण्णादाणवेरमणे, मेहुणवेरमणे, परिग्गहवेरमणे जाव (कोहवेरमणे, माणवेरमणे, मायावेरमणे, लोभवेरमणे, पेजवेरमणे, दोसवेरमणे, कलहवेरमणे, अब्भवखाणवेरमणे, पेसुण्णवेरमणे, परपरिवायवेरमणे, अरइरइवेरमणे, मायामोसवेरमणे) मिच्छादसणसल्लविवेगे।
सव्वं अत्थिभावं अत्थित्ति वयइ, सव्वं णत्थिभावं णस्थित्ति वयइ, सुचिण्णा कम्मा सुचिण्णफला भवंति, दुचिण्णा कम्मा दुचिण्णफला भवंति, फुसइ पुण्णपावे, पच्चायति जीवा, सफले कल्लाणपावए।
धम्ममाइक्खड़ इणमेव णिग्गंथे पावयणे सच्चे, अणुत्तरे, केवलिए, संसुद्धे, पडिपुण्णे, णेयाउए, सल्लकत्तणे, सिद्धिमग्गे, मुत्तिमग्गे, णिव्वाणमग्गे, णिजाणमग्गे, अवितहमविसंधि, सव्वदुक्खप्पहीणमग्गे। इहट्ठिया जीवा सिझंति, बुझंति, मुच्चंति, परिणिव्वायंति, सव्वदुक्खाणमंतं करेंति।
एकच्चा पुण एगे भयंतारो पुव्वकम्मावसेसेणं अण्णयरेसु देवलोएसु देवत्ताए उववत्तारो भवंति, महड्डिएसु जाव (महज्जुइएसु, महब्बलेसु, महायसेसु), महासुक्खेसु दूरंगइएसु चिरट्ठिदएसु। ते णं तत्थ देवा भवंति महिड्डिया जाव महज्जुइया, महब्बला, महायसा, महासुखा, चिरटिइया, हारविराइयवच्छा जाव (कडयतुडियथंभियभुया, अंगयकुंडलगंडयलकण्णपीढधारी, विचित्तहत्थाभरणा दिव्वेणं
| SR No. | 003452 |
| Book Title | Agam 12 Upang 01 Auppatik Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Devendramuni, Ratanmuni |
| Publisher | Agam Prakashan Samiti |
| Publication Year | 1992 |
| Total Pages | 242 |
| Language | Hindi |
| Classification | Book_Devnagari, Agam, Canon, Principle, & agam_aupapatik |
| File Size | 17 MB |