Page Text
________________
४८]
[अन्तकृद्दशा वासुदेवमायरो वा वासुदेवंसि गब्भं वक्कममाणंसि एएसिं चोद्दसण्हं महासुविणाणं अण्णयरे सत्त महासुविणे पासित्ता णं पडिबुज्झंति। बलदेवमायरो वा बलदेवंसि गब्भं वक्कममाणंसि एएसिं चोद्दसण्हं महासुविणाणं अण्णयरे चत्तारि महासुविणे पासित्ता णं पडिबुझंति। मंडलियमायरो वा मंडलियंसि गब्भं वक्कममाणंसि एएसिं चोद्दसण्हं महासुविणाणं अण्णयरे एगं महासुविणं पासित्ता णं पडिबुझंति। इमे य णं देवाणुप्पिया! देवईए देवीए एगे महासुविणे दिडे, जाव आरोग्ग-तुट्ठि० जाव मंगल्लकारए णं देवाणुप्पिया! देवईए देवीए सुविणे दिद्वे, अत्थलाभो देवाणुप्पिया! भोगलाभो देवाणुप्पिया! पुत्तलाभो देवाणुप्पिया! रज्जलाभो देवाणुप्पिया! एवं खलु देवाणुप्पिया! देवई देवी णवण्हं मासाणं बहुपडिपुण्णाणं जाव वीइक्कंताणं तुम्हं कुलकेउं जाव पयाहिइ। से वि य णं दारए उम्मुक्कबालभावे जाव रज्जवई राया भविस्सइ, अणगारे वा भावियप्पा। तं ओराले णं देवाणुप्पिया! देवईए देवीए सुविणे दिढे, जाव आरोग्गतुट्ठि-दीहाउअ-कल्लाण० जाव दिठे।
तए णं से वसुदेवराया सुविणलक्खणपाढगाणं अंतिए एयमढं सोच्चा णिसम्म हट्ठतुट्ठ० करयल जाव कटु ते सुविणलक्खणपाढगे एवं वयासी - "एवमेयं देवाणुप्पिया! जाव से जहेयं तुब्भे वयह" ति कटु सुविणं सम्म पडिच्छइ, पडिच्छित्ता सुविणलक्खण] पाढया [विउलेणं असण-पाण-खाइम-साइम-पुप्फ-वत्थ-गंध-मल्लालंकारेणं सक्कारेइ, सम्माणेइ, सक्कारित्ता, सम्माणित्ता विउलं जीवियारिहं पीइदाणं दलयइ, दलयित्ता पडिविसज्जेइ।] हट्ठहियया तं गब्भं सुहं सुहेणं परिवहइ।
___तए णं सा देवई देवी नवण्हं मासाणं पडिपुण्णाणं जासुमण-रत्तबंधुजीवयलक्खारससरसपारिजातक-तरुणदिवायर-समप्पभं सव्वणयणकंतं-सुकुमालं जाव [ पाणिपायं अहीणपडिपुण्ण-पंचिंदिय-सरीरं लक्खण-वंजण-गुणोववेअं माणुम्माण-प्पमाण-पडिपुण्ण-सुजायसव्वंग-सुंदरंग ससिसोमाकारं-कंत-पिय-दंसणं] सुरूवं गयतालुसमाणं दारयं पयाया। जम्मणं जहा मेहकुमारे जाव [ तए णं ताओ अंगपडियारिओ देवइं देविं नवण्हं मासाणं जाव दारयं पयायं पासंति, पासित्ता सिग्धं तुरियं चवलं वेइयं, जेणेव वसुदेवे राया तेणेव उवागच्छंति, उवागच्छित्ता वसुदेवं रायं जएणं विजएणं वद्धावेंति। वद्धावित्ता करयलपरिग्गहियं सिरसावत्तं मत्थए अंजलिं कटु एवं वयासी
एवं खलु देवाणुप्पिया! देवई देवी नवण्हं मासाणं जाव दारगं पयाया। तं णं अम्हे देवाणुप्पियाणं पियं णिवेएमो, पियं मे भवउ।
तए णं से वसुदेवे राया तासिं अंगपडियारियाणं अंतिए एयमढें सोच्चा णिसम्म हट्ठतुट्ठ० ताओ अंगपडियारियाओ महुरेहिं वयणेहिं विपुलेण य पुष्फगंधमल्लालंकारेणं सक्कारेइ, सम्माणेइ, सक्कारित्ता सम्माणित्ता मत्थयधोयाओ करेइ, पुत्ताणुपुत्तियं वित्तिं कप्पेइ, कप्पित्ता पडिविसज्जेइ।
तए णं से वसुदेवे राया कोडुंबियपुरिसे सद्दावेइ, सहावित्ता एवं वयासी - खिप्पामेव भो देवाणुप्पिया! बारवई नयरिं आसित्त जाव परिगीयं करेह, करित्ता चारगपरिसोहणं करेह, करित्ता माणुम्माणवद्धणं करेह, करित्ता एयमाणत्तियं पच्चप्पिणह। जाव पच्चप्पिणंति।
___ तए णं से वसुदेवे राया अट्ठारससेणीप्पसेणीओ सद्दावेइ, सद्दावित्ता एवं वयासी - "गच्छह णं तुब्भे देवाणुप्पिया! बारवईए नयरीए अभितरबाहिरिए उस्सुक्कं उक्करं अभडप्पवेसं
| SR No. | 003448 |
| Book Title | Agam 08 Ang 08 Anantkrut Dashang Sutra Stahanakvasi |
| Original Sutra Author | N/A |
| Author | Madhukarmuni, Divyaprabhashreeji, Devendramuni, Ratanmuni, Kanhaiyalal Maharaj |
| Publisher | Agam Prakashan Samiti |
| Publication Year | 1981 |
| Total Pages | 249 |
| Language | Prakrit, Hindi |
| Classification | Book_Devnagari, Agam, Canon, & agam_antkrutdasha |
| File Size | 16 MB |