Page Text
________________
प्रथम अध्ययन : गाथापति आनन्द ]
[ ७
संपण्णे, विणय-संपण्णे, नाण-संपण्णे, दंसण-संपण्णे, चरित्त-संपण्णे, लज्जा- संपण्णे, लाघव संपण्णे, ओयेसी, तेयंसी, वच्छंसी, जसंसी, जिय- कोहे, जिय-माणे, जिय-माए, जिय- लोहे, जिय-णिद्दे, जिइंदिए, जिय- परीसहे, जीवियास- मरण-भय-विप्पमुक्के, तवप्हाणे, गुण - प्पहाणे करण-प्पहाणे, चरण-प्पहाणे, निग्गह-प्पहाणे, निच्छय-प्पहाणे, अज्जव - प्पहाणे, मद्दव - प्पहाणे, लाघव- प्पहाणे, खंति- प्पहाणे, गुत्ति-प्पहाणे, मुति - प्पहाणे, विज्जा - पहाणे, मंत-प्पहाणे, बंभ- प्पहाणे, वेय- प्पहाणे, नय-प्पहाणे, नियमप्पहाणे, सच्च-प्पहाणे, सोय-प्पहाणे, नाण-प्पहाणे, दसण-प्पहाणे, चरित्त - प्पहाणे, ओराले, घोरे, घोर-गुणे, घोर-तवस्सी, घोर- बंभचेरवासी, उच्छूढ सरीरे संखित्त-विउलतेउ-लेस्से, चउद्दस - पुव्वी, चउनाणोवगए, पंचहिं अणगार-सएहिं सद्धिं संपरिवुडे, पुव्वाणुपुव्विं चरमाणे गामाणुगामं दुइज्जमाणे, सुहं सुहेणं विहरमाणे जेणेव चंपा नयरी जेणेव पुण्णभद्दे चेइए तेणेव उवागच्छइ । चंपानयरीए बहिया पुण्णभद्दे चेइए अहापडिरूवं ओग्गहं ओगिण्हइ, ओगिण्हित्ता संजमेणं तवसा अप्पाणं भावेमाणे विहरइ ।
तेणं कालेणं तेणं समएणं अज्ज - सुहम्मस्स थेरस्स जेट्ठे अंतेवासी अज्ज - जंबू नामं अणगारे कासव-गोत्तेणं सत्तुस्सेहे, सम- चउरंस - संठाण - संठिए, वइर-रिसह - णाराय संघयणे, कणग- पुलग - निघस - पम्ह - गोरे, उग्ग-तवे, दित्त तवे, तत्त तवे, महा-तवे, ओराले, घोरे, घोर-गुणे, घोर-तवस्सी, घोर- बंभचेरवासी, उच्छूढ - सरीरे, संखित्त - विउतेल- लेस्से, अज्ज - सुहम्मस्स थेरस्स अदुरसामंते उड्ढं जाणू, अहोसिरे, झाण- कोट्ठोवगए संजमेणं तवसा अप्पाणं भावेमाणे विहरइ ।
तणं से अज्ज - जंबू नामं अणगारे जाय- सड्ढे, जाय-संसए, जाय- कोऊहल्ले, उप्पण्ण-सड्ढे, उप्पण्ण-संसए, उप्पण्ण- कोऊहल्ले संजाय - सड्ढे, संजाय - संसए, संजायकोहल्ले, समुप्पण्ण- सड्ढे, समुप्पण्ण-संसए, समुप्पण्ण- कोऊहल्ले उट्ठाए उट्ठेइ, उट्ठेता जेणेव अज्ज - - सुहम्मे थेरे तेणेव उवागच्छइ, उवागच्छित्ता अज्ज - सुहम्मं थेरं तिक्खुत्तो आयाहिण-पयाहिणं करेइ, करेत्ता वंदई णमंसइ, वंदित्ता णमंसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउडे । )
पज्जुवासमाणे एवं वयासी - जइ णं भंते! समणेणं भगवया महावीरेणं जाव (आइगरेणं, तित्थगरेणं, सयंसंबुद्धेणं, पुरिसुत्तमेणं, पुरिससीहेणं, पुरिसवरपुंडरीएणं, पुरिसवरगंधहत्थिएणं, लोगुत्तमेणं लोगनाहेणं, लोग पईवेणं, लोग पज्जोयगरेणं, अभयदपणं, सरणदएणं चक्खुदएणं, मग्गदएणं, जीवदएणं, बोहिदएणं धम्मदएणं, धम्मदेसणं धम्म - नायगेणं, धम्मसारहिणा, धम्म- वर चाउरंत - चक्कवट्टिणा, * अप्पडिहय- वर
* इससे आगे किसी-किसी प्रति में 'दीवो ताणं सरणगई पइट्ठा' यह पाठ अधिक उपलब्ध होता है ।
| SR No. | 003447 |
| Book Title | Agam 07 Ang 07 Upashak Dashang Sutra Stahanakvasi |
| Original Sutra Author | N/A |
| Author | Madhukarmuni, Kanhaiyalal Maharaj, Trilokmuni, Devendramuni, Ratanmuni |
| Publisher | Agam Prakashan Samiti |
| Publication Year | 1989 |
| Total Pages | 276 |
| Language | Hindi |
| Classification | Book_Devnagari, Agam, Canon, Conduct, & agam_upasakdasha |
| File Size | 19 MB |