Page Text
________________
नवम स्थान
६६७
(इहलोगभए, परलोगभए, आदाणभए, अकम्हाभए, वेणभ मरणभए, असिलोगभए)। एवामेव महापउमेवि अरहा समणाणं णिग्गंथाणं सत्त भयट्ठाणे पण्णवेहिति, (तं जहा — इहलोगभयं, परलोगभयं आदाणभयं अकम्हाभयं वेयणभयं मरणभयं असिलोगभयं ) ।
एवं अट्ठ मट्ठाणे, व बंभचेरगुत्तीओ, दसविधे समणधम्मे, एवं जाव तेत्तीसमासातणाउत्ति।
से हाणामए अज्ज! मए समणाणं णिग्गंथाणं णग्गभावे मुंडभावे अण्हाणए अदंतवणए अच्छत्तए अणुवाहण भूमिसेजा फलगसेज्जा कट्ठसेज्जा केसलोए बंभचेरवासे परघरपवेसे लद्भावलद्धवित्तीओ पण्णत्ताओ। एवामेव महापउमेवि अरहा समणाणं णिग्गंथाणं णग्गभावं (मुंडभावं अण्हाणयं अदंतवणयं अच्छत्तयं अणुवाहणयं भूमिसेज्जं फलगसेज्जं कट्ठसेज्जं केसलोयं बंभचेरवासं परघरपवेसं ) लद्भावलद्धवित्ती पण्णवेहिति ।
से जहाणामए अज्जो ! मए समणाणं णिग्गंथाणं आधाकम्मिएति वा उद्देसिएति वा मीसज्जा ति वा अज्झोयरति वा पूतिए कीते पामिच्चे अच्छेज्जे अणिसट्टे अभिहडेंति वा कंतारभत्तेति वा दुब्भिक्खभत्तेति वा गिलाणभत्तेति वा वद्दलियाभत्तेति वा पाहुणभत्तेति वा मूलभोयणेति वा कंदभोयणेति वा फलभोयणेति वा बीयभोयणेति वा हरियभोयणेति वा पडिसिद्धे । एवामेव महापउमेवि अरहा समणाणं णिग्गंथाणं अधाकम्मियं वा (उद्देसियं वा मीसज्जायं वा अज्झोयरयं वा पूतियं कीतं पामिच्चं अच्छेज्जं अणिसट्टं अभिहडं वा कंतारभत्तं वा दुब्भिक्खभत्तं वा गिलाणभत्तं वा वद्दलियाभत्तं वा पाहुणभत्तं वा मूलभोयणं वा कंदभोयणं वा फलभोयणं वा बीयभोयणं वा ) हरितभोयणं वा पडिसेहिस्सति ।
से जहाणाम अज्जो! मए समणाणं णिग्गंथाणं पंचमहव्वतिए सपडिक्कमणे अचेल धम्मे पण्णत्ते। एवामेव महापउमेवि अरहा समणाणं णिग्गंथाणं पंचमहव्वतियं (सपडिक्कमणं) अचेलगं धम्मं पण्णवेहिति ।
से जहाणामए अज्जो ! मए समणोवासगाणं पंचाणुव्वतिए सत्तसिक्खावतिए — दुवालसविधे सावगधम्मे पण्णत्ते। एवामेव महापउमेवि अरहा समणोवासगाणं पंचाणुव्वतियं (सत्तसिक्खावतियं दुवालसविधं ) सावगधम्मं पण्णवेस्सति ।
से जहाणामए अज्जो ! मए समणाणं णिग्गंथाणं सेज्जातरपिंडेति वा रायपिंडेति वा पडिसिद्धे । एवामेव महापउमेवि अरहा समणाणं णिग्गंथाणं सेज्जातरपिंडं वा रायपिंडं वा, पडिसेहिस्सति ।
से जहाणामए अज्जो ! मम णव गणा एगारस गणधरा । एवामेव महापउमस्सवि अरहतो णव गणा एगारस गणधरा भविस्संति ।
से जहाणामए अज्जो ! अहं तीसं वासाई अगारवासमझे वसित्ता मुंडे भवित्ता ( अगाराओ अणगारियं) पव्वइए, दुवालस संवच्छराई तेरस पक्खा छउमत्थपरियागं पाउणित्ता तेरसहिं पक्नेहिं ऊणगाईं तीसं वासाईं केवलिपरियागं पाउणित्ता, बायालीसं वासाइं सामण्णपरियागं पाउणित्ता,
| SR No. | 003440 |
| Book Title | Agam 03 Ang 03 Sthananga Sutra Stahanakvasi |
| Original Sutra Author | N/A |
| Author | Madhukarmuni, Shreechand Surana |
| Publisher | Agam Prakashan Samiti |
| Publication Year | 1981 |
| Total Pages | 827 |
| Language | Prakrit, Hindi |
| Classification | Book_Devnagari, Agam, Canon, Dictionary, & agam_sthanang |
| File Size | 16 MB |