Page Text
________________
६६६
स्थानाङ्गसूत्रम् .
धण्णाहिं मंगलाहिं सस्सिरिआहिं वग्गूहिं अभिणंदिजमाणे अभिथुव्वमाणे य बहिया सुभूमिभागे उजाणे एगं देवदूसमादाय मुंडे भवित्ता अगाराओ अणगारियं पव्वयाहिति। से णं भगवं जं चेव दिवसं मुंडे भवित्ता (अगाराओ अणगारियं) पव्वयाहिति तं चेव दिवसं सयमेयमेतारूवं अभिग्गहं अभिगिहिहिति—जे केइ उवसगा उप्पजिहिंति, तं जहा—दिव्वा वा माणुसा वा तिरिक्खजोणिया वा ते सव्वे सम्मं सहिस्सइ खमिस्सइ तितिक्खिस्ससइ अहियास्सिसइ।
तए णं से भगवं अणगारे भविस्सति इरियासमिते भासासमिते एवं जहा वद्धमाणसामी तं चेव णिरवसेसं जाव अव्वावारविउसजोगजुत्ते।
तस्स णं भगवंतस्स एतेणं विहारेणं विहरमाणस्स दुवालसहिं संवच्छरेहिं वीतिक्कंतेहिं तेरसहि य पक्खेहिं तेरसमस्स णं संवच्छरस्स अंतरा वट्टमाणस्स अणुत्तरेणं णाणेणं जहा भावणाते केवलवरणाणदंसणे समुप्पजिहिति। जिणे भविस्सति केवली सव्वण्णू सव्वदरिसी सणेरइय जाव पंच महव्वयाइं सभावणाई छच्च जीवणिकाए धम्मं देसमाणे विहरिस्सति।
से जहाणामए अज्जो! मए समणाणं णिग्गंथाणं एगे आरंभठाणे पण्णत्ते। एवामेव महापउमेवि अरहा समणाणं णिग्गंथाणं एगं आरंभठाणं पण्णवेहिति।
से जहाणामए अज्ज्जो! मए समणाणं णिग्गंथाणं दुविहे बंधणे पण्णत्ते, तं जहा—पेजबंधणे य, दोसबंधणे य। एवामेव महापउमेवि अरहा समणाणं णिग्गंथाणं दुविहं बंधणं पण्णवेहिति, तं जहा—पेजबंधणे च, दोसबंधणे च।
से जहाणामए अज्जो! मए समणाणं णिग्गंथाणं तओ दंडा पण्णत्ता, तं जहा मणदंडे, वयदंडे, कायदंडे। एवामेव महापउमेवि अरहा समणाणं णिग्गंथाणं तओ दंडे पण्णवेहिति, तं जहा—मणोदंडं, वयदंडं, कायदंडं।
से जहाणामए (अज्जो! मए समणाणं णिग्गंथाणं चत्तारि कसाया पण्णत्ता, तं जहा—कोहकसाए, माणकसाए, मायाकसाए, लोभकसाए। एवामेव महापउमेवि अरहा समणाणं णिग्गंथाणं चत्तारि कसाए पण्णवेहिति, तं जहा—कोहकसायं, माणकसायं, मायाकसायं, लोभकसायं। __ से जहाणामए अज्जो! मए समणाणं णिग्गंथाणं पंच कामगुणा पण्णत्ता, तं जहा—सद्दे, रूवे, गंधे, रसे, फासे। एवामेव महापउमेवि अरहा समणाणं णिग्गंथाणं पंच कामगुणे पण्णवेहिति, तं जहा—सइं, रूवं, गंधं, रसं, फासं।
से जहाणामए अजो! मए समणाणं णिग्गंथाणं छज्जीवणिकाया पण्णत्ता, तं जहापुढविकाइया, आउकाइया, तेउकाइया, वाउकाइया, वणस्सइकाइया, तसकाइया। एवामेव महापउमेवि अरहा समणाणं णिग्गंथाणं छज्जीवणिकाए पण्णवेहिति, तं जहा—पुढविकाइए, आउकाइए, तेउकाइए, वाउकाइए, वणस्सइकाइए,) तसकाइए।
से जहाणामए (अजो! मए समणाणं णिग्गंथाणं) सत्त भयट्ठाणा पण्णत्ता, तं जहा—
| SR No. | 003440 |
| Book Title | Agam 03 Ang 03 Sthananga Sutra Stahanakvasi |
| Original Sutra Author | N/A |
| Author | Madhukarmuni, Shreechand Surana |
| Publisher | Agam Prakashan Samiti |
| Publication Year | 1981 |
| Total Pages | 827 |
| Language | Prakrit, Hindi |
| Classification | Book_Devnagari, Agam, Canon, Dictionary, & agam_sthanang |
| File Size | 16 MB |