________________
अगडदत्त
कुमरेण तओ भणियं गुरु - विअणा मज्झ उत्तममि । व अन्नं च जईण भोयणं कप्पए नेयं ॥ २२१ ॥ सत्थिया य सव्वे भणिया कुमरेण दिट्टि सन्नाए । नहु भत्तव्वं एवं एएण समाणियं भत्तं ॥ २२२ ॥ अवगण्णिऊण कुमरं भुत्तं तं भोयणं विस - विमिस्सं । भुजिय- मेते सव्वे सहसा निच्चेयणा जाया ॥ २२३ ॥ जम - मन्दिरं पवन्ने सव्वे ते जाणिउं महावइओ । मेल्लन्तो सर - निवहं पहाविओ कुमर वहणत्थं ॥ २२४ ॥ कुमरेण स कोवेण सर- निवहं वञ्चिऊण वेण । मम्म-पए से पहओ एगेणं अद्ध-चन्देणं ॥ २२५ ॥ अह सो महीए पडिओ जीविय-सेसो पयंपए एयं । पुत्त अहं सो दुज्जओ चोरो दुज्जोहणो नाम ।। २२६ ॥ निब्भय-चित्तेण तए मह चित्तं रञ्जियं महाभाग । जीविय-सेसो अहय संवृत्तो बाण घाण ॥ २२७ ॥ आयसु मह वयणं एयरस गिरित्स वामपासंमि । सारयाण दोह मज्झे देवउलं अस्थि रमणीयं ॥ २२८ ॥ तस्सय पच्छिम भाए तलिण- सिला चज्जिया सुजत्तेणं । तं पेल्लिऊण वामे भूमि-घरं तत्थ पविसेसु ॥ २२९ ॥ तस्सत्थि मज्झ भाए मम महिला पवर- रूव-गुण- कलिया । नव-जोव्वणा विणीया नामेण जयसिरी सरला ॥ २३० ॥ रित्थं अइव महन्तं चिट्ठ मज्झमि तस्स भवणस्स । ता तं सव्वं सु-पुरिस अप्पायत्तं करेज्जासु ॥ २३२ ॥ मह पुण वट्टइ अन्तो गयंमि जीवंमि देसु कट्ठाणि । एवं सो भणमाणो पञ्चत्तं पाविओ सहसा ।। २३२ ॥ दारु- समहे मेलिय दिनो कुमरेण हुयवहो तस्स । आरुहियं पवर - रहं ताव गओ कहिय देसंमि ॥ २३३ ॥ दो सरियाणं मज्झे देवउले जोइया सिला तेणं । उग्घाडिऊण दारं कओ य सद्दो जहा भाणओ ॥ २३४ ॥
प्रा. क. सं. १२
Jain Education International
For Private & Personal Use Only
८९
www.jainelibrary.org
