________________
८८
प्राकृत कथासंग्रह
एवं निसामिण अन्ने सत्थिल्या नरी बहवें । राय-तणरण समयं संचलिया मुक्क-भय-पसरा ॥ २०७ ॥ एत्थन्तरंमि एगो दीह - जडा-मउड-भूसिय- सरीरो । भसमुद्धूलिय- गत्तो तिसूल चोक्केण य सणाहो ॥ २०८ ॥ परिवारय परियरिओ पत्थिय-लिङ्गेण वावड- करंग्गो । तेयंसी सुपसत्यो महवइओ तत्थ संपत्तो ॥ २०९ ॥ तेण य भणिओ कमरो तुम्ह ससत्थेण पुत्तय अहं पि । सङ्घउरे वच्चामि तित्थाणं दंसण- निमित्तं ॥ ॥ २१० ॥ अन्नं च मह- समीवे कइ वि हु चिट्ठन्ति पुत्त दीणारा । बलि - पूयणत्थ - दिन्ना देवाणं धम्मिय -नरेहिं ॥ २११ ॥ ते सु महायस ! वच्चामो जेण निव्भया अम्हे । एवं बहु भाणिऊणं समप्पिओ दविण निउलो त्ति ॥ २१२ ॥ ताहे सो परितुट्ठो आसीसं देइ नरवइ सुयस्स । सत्लिएहि सद्धिं संचलिओ कवड-कय-वेसो ॥ २१३ ॥ मुणिउं तस्स स रूवं कुमरो चिन्तइ हियय-मज्जंमि । एएण समं गमणं न सुन्दरं होइ परिणामे ॥ २१४ ॥ एवं हियए परिभाविऊण कुमरेण चोइया तुरया । मग्गे रहो पयट्टो संपत्तो गहण - देसंमि ॥ २१९ ॥ तेण महव्यइणं भणिया सत्थिल्या इमं वयणं । अज्ज अहं तुम्हाणं पाहुणयं सव्वहा काहं ॥ २१६ ॥ अस्थि इहरण- मज्ो गोउल मेगं पभूय-वण- निवहं । तत्थि मए वरिसालो आवन्तेणं कओ आसि ॥ २१७ ॥ तम्मि मए गोउलिया सव्वें आवाज़या निय-गुणेहिं । दाहिं ति अज भोज्जं ता तुम्हे पाहुणा मज्झ ॥ २१८॥ एवं निमन्तिऊण गन्तॄण समागओ महावइओ । पायस - घय- दहियाणं भरिऊणं भण्डए गरुए ॥ २१९ ॥ आगन्तॄण य तेण भणिओ कुमरो विमहुर वयणेहि । पत्तय अज्जम्हाणं हिय - इच्छिय - मिव्वुई कुणसु ॥ २२० ॥
Jain Education International
For Private & Personal Use Only
www.jainelibrary.org
