________________
अगडदत्त कइवय-दिणाण मज्झे जइ गन्तूणं न दंसणं कुणसि । तो कुमर ! निच्छएणं विमुक्क-जीयाण वञ्चिहिसि ॥ १६७ ॥ . एवं निसामिऊणं सज्जावेऊण नियय-खन्धारं । पत्तो राय-समीवे जंपइ सो एरिसं वयणं ॥ १६८ ॥ तायस्स समीवाओ उस्सुय-करहीरुहा दुवे पुरिसा । पह मज्झ आणणत्थं समागया कहस ज जोग्गं ॥ १६९ ॥ नरवइणा तो भणियं वच्चसु तं कुमर ! ताय-पासंमि । निय-परिवार-समेओ गन्तूण पुणो नियत्तेसु ॥ १७० ॥ दाऊण अलंकारं सम्माणेऊण महुर-वयणेहिं । निय-धूयाए समेओ नरवइणा पेसिओ कुमरो ॥ १७१ ॥ काऊणं संजत्तिं दावादेउं पयाणणं सिबिरं । एग-रहेणं कुमरो सयं ठिओ नयर-मज्झमि ॥ १७२ ॥ जामिणि-पढमे पहरे दूईए संगमीए. पासम्मि । कुमरेण नियय-पुरिसो पठ्ठविओ जाणणट्ठाए ॥ १७३ ॥ गन्तूण तेण भणियं सिबिरं अम्हाण पविसियं मग्गे । एगागी राय-सुओ चिट्ठइ तुम्हाण कजेण ॥ १७४ ॥ ता सुन्दरि ! गन्तूणं आणसु लहु मयणमञ्जरिं एत्थ । जेण समीहिय-कज संपज्जइ अज्ज तुम्हाणं ॥ १७५ ॥ सुणिऊण तस्स वयणं गन्तूणं संगमी तुरिय-तुरियं । . निय-सामिणीए साहइ जं भणियं कुमर-पुरिसेण ॥ १७६ ॥ आयणिऊण सहसा रहस-समुच्छलिय-वहल-रोमञ्चा । संचल्लिया खणेण सु-सहि-सहाया निय-घराओ ॥ १७७ ॥ पत्ता कुमर-समीवं आरूढा मयणमञ्जरी जाणे । आरुहसु सुयणु ! सिग्धं इय भणिया राय-तणएणं ॥ १७८ ॥ अह चोइऊण तुरए रज्जु गहिऊण वाम-हत्थेणं । नीहरि नयरीए संपत्तो नियय-कडयंमि ॥ १७९ ॥ तुरियं पयाण-ढक्का दवाविया तेण पत्त-मत्तेणं । काऊण सु-संजत्तिं चलियं सेन्नं समत्थं पि ॥ १८० ॥
Jain Education International
For Private & Personal Use Only
www.jainelibrary.org
