________________
८४
प्राकृत कथासंग्रह एवं सो लद्ध-जसो जण-मण-नयणाण पुण्णिमा-चन्दो ।
अलियं मुणेइ सव्वं रहिओ चिर-दिट्ठ-बालाए ॥ १५४ ॥ जओ
ता लज्जा ता माणो ताव य परलोय-चिन्तणे बुद्धी । जा न विवेय-जिय-हरा मयणस्स सरा पहुप्पन्ति ॥ १५५ ॥ एवं मयणायत्तो सो चिट्ठइ जाव नियय-भवणम्मि । ता एगा वर-विलया समागया कुमर-पासंमि ॥ १५६॥ दिन्नासणोवविठ्ठा भणिया कुमरेण केण कजेण । तं आगया सि सुन्दरि, साहसु निययं अभिप्पायं ॥ १५७ ॥ भणियं तीए निसुणसु अवहिय-हियओ कुमार होऊणं । अहयं तुम्ह समीवे पट्टविया मयणमञ्जरिए ॥ १५८ ॥ एयं तुह संदिळं सुन्दर ! गुरु-विरह-जलण-तवियाए । जा गच्छइ न य जीयं ता सिञ्चसु संगम-जलेणं ॥ १५९ । अन्नं च निसुणिऊणं गय-खेड्डुं तकरस्त वहणं च । दुट्टित्थी-परिहरणं नरवइ-पमुहेण य जणेणं ॥ १६० ॥ साहुक्कारं तुझं कारन्तं अहिय-विम्हिय-मणा सा । जीयं पि हु तुह दंसण-समुस्सुया धरइ किच्छेण ॥ १६१ ॥ सुणिऊण तीए वयणं दारं हत्थ-ट्ठियं च तम्बोल ।। भणिया सा हू इत्थी सिणेह-सारेहि वयणेहिं ॥ १६२ ॥ कुसले ! पभणसु गन्तुं मा होहि समुस्सुया दिणे कइति । पत्यावं लहिऊणं सव्वं सत्थं करिस्सामि ॥ १६३ ॥ अन्नं म दिणे सहसा करहारूढा समागया पुरिसा ।। भवर्णमि पविसमाणा दिट्ठा कुमरेण हिट्ठ-मणा ॥ १६४ ॥ आलिङ्गिउं स-हरिसं अम्मा-पियरस्स कुसल-पडिउत्ती । स-सिणेहं परिपुट्ठा पमुक्क-घण-अंसु-निवहेण ॥ १६५ ॥ तो तेहि इमं भणियं अम्मा-पियरस्स कुमर ! कुसलं ति। तह. वि हु तुह विरह-महा-गहेण गहियाइ चिट्ठन्ति ।। १६६ ।।
Jain Education International
For Private & Personal Use Only
www.jainelibrary.org
