________________
माकृत कथासंग्रह एगण पहारेणं पडियं जङ्घाण जुयलयं तस्स । चक्काहओ व्व रुक्खो निवाडिओ झत्ति धरणीए ॥ १२७ ॥ गन्तुं असमत्थेणं जीवय-सेसेण तेण सो भणिओ । आसि अहं सु-पसिद्धो नामेण भुयंगमो चोरो ॥ १२८ ॥ तह अत्थि इह मसाणे गेहं भूमीए मज्झयारंमि । तत्यत्थि मज्झ भइणी वीरमई नाम जुवइ त्ति ॥ १२९ ॥ वड-पायवस्स मूले गन्तूणं कुणसु तीए वाहरणं । .. जेणं भूमि-घरस्सा दारं उग्घाडए तुरियं ॥ १३०॥ तं परिणिऊण सुन्दर गेण्हसु सव्वं पि दविण-जायं ति। चिट्ठसु तत्थ सुहेणं अहवा वसिमंमि गच्छेसु ॥ १३१ ॥ एवं जंपन्तो सो कुमरेणासासिओ खणं एकं ।। गहिऊण तस्स खम्गं पत्तो ता पेय-भूमीए ॥ १३२ ॥ गन्तूण कओ सद्दो वडस्स मुलंमि तीए जुवईए । आगन्तूण य तीए घरस्स उग्घाडियं दारं ॥१३३॥ निज्झाइऊण सुइरं रूवं बालाए विम्हिओ सहसा । चिन्तइ निय-हियएणं एसा मयणस्स सव्वस्सं ॥ १३४ ॥ पुट्ठो य तीए सुन्दर कत्तो कज्जेण केण वाथाओ। कहिया तेण पउत्ती तं सोउं दूमिया हियए ॥ १३५ ॥ भाणऊण महुर-वयणं नीओ पायाल-मन्दिरे कुमरो। गुरु-गउरवण तीए दिन्नं पवरासणं तत्थ ॥ १३६ ॥ स-प्पणयं चिय भाणिओ अहयं एयं च विउल-धण-निवहं । तुम्हायत्तं सव्वं ! सुन्दर विलसेसु सच्छन्दं ॥१३७॥ पयडेउं वास-हरं भाणओ वीसमसु एत्थ सयणिज्ने । अहयं पुण गन्तुणं आणेमि विलेवणं तुज्झ ॥ १३८ ॥ एवं भाणिऊणं सा वास-हराओ विणिग्गया सहसा । कुमरो वि नीइ-सत्थं चिन्तेइ अहप्पणो हियए ॥ १३९ ।। माया अलियं लोहो मूढत्तं साहसं असोयत्तं । निस्संसया तह चिय महिलाण सहावया दोसा ॥ १४० ॥
Jain Education International
For Private & Personal Use Only
www.jainelibrary.org
