________________
अगडदत्त
जाए वि भित्ति-सन्धे खणियं खत्तं सुतिक्ख-सत्येण । सिरिवच्छ-सच्छहं सुप्पवेस-निग्गमण-मगूढं ॥ ११४ ।। निज्झाइऊण सुइरं निहुय-पयं पविसिऊण सो धुत्तो । कढइ महग्ध-भण्डं पभूय-पेडाओ तत्थेव ॥ ११५ ॥ ठविउं कुमरं आणिय देवउलाओ दरिदिए पुरिसे ।
ते गेण्हाविय ताओ नयराओ निग्गया झत्ति ॥११६॥ सओ कुमरेण चिन्तियं.
आयडिऊण खग्गं छलेण पहणामि किं इहं दुढे । अहव न जुत्तं अहं छल-घाओ कुल-पसूयाणं ॥ ११७॥ एय-निवासं गन्तुं दव्वं पेच्छामि केत्तियं हरियं । कस्स कए अणवरयं मुसइ इमं नयरि-जण-निवह।। ११८ ॥ एवं ते दोन्नि वि गहिय-मोसया पुर-वराओ निक्खन्ता। गुरु-भारेण किलन्ता नयरुजाणंमि संपत्ता ॥ ११९ ॥ परिवायगेण भणिओ कुमरो छल-घाय-मारण-निमित्तं । सु-पुरिस गरुया रयणी अच्छामो एत्थ उज्जाणे ॥ १२० ॥ पडिवन्ने कुमरेणं तत्थुजाणंमि ते समासीणा । किल निदं सेवेमो चिन्तेणं दो वि सासङ्का ॥ १२१ ॥ . खण-मेत्तेणं दोन्नि वि दाहिण-वामेसु वच्छ-मूलस्स । अन्नोन्न-घाय-निरया अलीय-निदा-पसुत्ता त्ति ॥ १२२॥ ते बाहित्तिय-पुरिसा सुत्ता वीसत्थ-माणसा सव्वे । कुमरो वि सत्यराओ उद्वेत्ता सणियमवकन्तो ॥ १२३ ॥ काउं करंमि खग्गं अन्नस्स महा-तरुस्स मूलंमि । पेच्छन्तो सचिट्ठइ अपमत्तो तस्स चरियाई ।। १२४ ॥ सुत्त त्ति मुणेऊणं तेणं विणिवाइया उ ते पुरिसा । सयणे तमपेच्छन्तो जा जोवइ तत्थ सो कुमरं ॥ १२५ ॥ ता हक्किऊण दुर्दु कुमरों आयडिऊण करवालं। पहणइ जङ्घासण्णं भय-रहिओ भीम-बल-जुत्तो ॥ १२६ ॥ प्रा. क. सं. ११
Jain Education International
For Private & Personal Use Only
www.jainelibrary.org
