________________
प्राकृत कथासंग्रह एत्थन्तरमि एगो सहसा परिवायगो समणुप्पत्तो । कय-धाउ-वत्थ-वेसो मुण्डिय-सिर-कुच्च-सच्चूलो ॥ १०१ ॥ दण्ड-त्तिय-कुण्डी-चमर-संगओ तह गणेत्तिया-हत्थो । किं किंपि मुणमुणिन्तो संपत्तो कुमर-पुरओ त्ति ॥ १०२ ॥ करि-सोण्डा भुय-दण्डो विसाल-वच्छत्थलो फरुस-केसो। नव-जोव्वणो रउद्दो रत्तच्छो दीह-जो य ॥ १०३ ॥ निज्झाइऊण अह सो सासङ्को चिन्तए मणे कुमरो। एवंविह-रूवेण हविज्ज एसो फुडं चोरो ॥ १०४ ॥ एत्थन्तरंमि तेणं भणियो कुमरो पिएहि वयणेहिं । कत्तो सि तुमं सु-पुरिस केण व कज्जेण चिट्ठसि ॥ १०५ ॥ नाऊण तस्स भावं भाणियं कुमरेण बुद्धि-निउणेणं । दालिद्देणकन्तो भमामि नयरीए सुन्नमणो ॥ १०६ ॥ मा सोयसु पुत्त तुम अनं छिन्दामि तुज्झ दालिदं । देमि समीहिय-दव्वं भणिय परिवायगेणं ति ॥ १०७ ॥ कुमरेणं सलत्तं तुम्हाणं चेव पय-पसाएणं । नासइ मह दालिद संपज्जइ ईहियं कज्जं ॥ १०८ ॥ एवं जंपन्ताणं नयण-पहं वजिऊण दिवसयरो। असणमावन्नो दोस-भएणं व सप्पुरिसो ॥ १०९ ॥ संझुज्जोयंमि गए पयडी-हूयमि रयणि-तम-नियरे । कड़े कोसाओ करवालं दारुणायारं ॥ ११० ॥ तुरिय-गई संचलिओ सो कुमरं भणइ एहि मह पिढें । जेण समीहिय-कज्जं सव्वं कारेमि किं बाहुणा ॥ १११ ॥ ताव य दोन्नि वि सिग्धं संपत्ता नयरि-मज्झयारम्मि । परिभमिऊणं थोवं उवविट्ठा एग-देसंमि ॥ ११२ ॥ परिवायगेण ताव य ईसर-वणियस्स मन्दिरे तुङ्गे । सुह-भेय-भित्ति-भाए खत्तं आलेहियं तेण ॥ ११३ ॥
Jain Education International
For Private & Personal Use Only
www.jainelibrary.org
