________________
प्राकृत कथासंग्रह अन्नंमि दिणे सो राय-नन्दणो वाहियाए मग्गेणं । तुरयारूढो वच्चइ ता नयरे कलयलो जाओ ॥५१॥ अवि य-- किं चलिउ व्व समुद्दो किं वा जलिओ हुयासणो घोरो। किं पत्तं रिउ-सेन्नं तडि-दण्डो निवडिओ किं वा ॥१२॥ एत्थन्तरंमि सहसा दिट्ठो कुमरेण विम्हियमणेण । मय-वारणो उ मत्तो निवाडियालाण-वर-खम्भो ॥५३॥ मिण्ठेण वि परिचत्तो मारेन्तो सोण्ड-गोयरं पत्ते । सवडंमुहं चलन्तो कालो-व्व अकारणे कुद्धो ॥५४॥ तुट्ट-पय-बन्ध-रज्जू संचुणिय-भवण-हट्ट-देवउलो । खण-मेत्तेण पयण्डो सो पत्तो कुमर-पुरओ त्ति ॥१५॥ तं तारिस-रूव-धरं कुमरं दट्ठण नायर-जणेहिं । गहिर-सरेणं भणिओ ओसर ओसर करि पहाओ ॥५६॥ कुमरेण वि निय-तुरयं परिचइऊणं सुदक्ख-गइ-गमणं । हक्कारिओ गइन्दो इन्द-गइन्दस्स सारिच्छो ॥१७॥ सुणिउं कुमार-सदं दन्ती पज्झरिय-मय-जल-पवाहो । तुरिओ पहाविओ सो कुद्धो कालो व्व कुमरस्स ॥१८॥ कुमरेण य पाउरणं संवेल्लेऊण हिट्ठ-चित्तेणं । धावन्त-वारणस्सा सोण्डा-पुरओ उ पक्खित्तं ॥१९॥ कोवेण धमधमेन्तो दन्तच्छोभे य देइ सो तम्मि । कुमरो वि पिट्ठ-भाए पहणइ दढ-मुहि-पहरेणं ॥ ६ ॥ ता ओधावइ धावइ चलइ खलइ परिणओ तहा होइ। परिभमइ चक्क-भमणं रोसेणं धमधमेन्तो सो ॥ ६१ ॥ अइव महन्तं वेलं खेल्लावऊण तं गयं पवरं । नियय-वसे काऊणं आरूढो ताव खन्,मि ॥ ६२ ॥ अह तं गइन्द-खेड्ड मणोहरं सयल-नयर-लोयस्स। . अन्तेउर-सरिसेणं पलोइयं नरवरिन्देणं ॥ ६३ ॥
Jain Education International
For Private & Personal Use Only
www.jainelibrary.org
