________________
उदायण
तेणं कालेणं तेणं समएणं सिन्धु-सोवीरेसुं जणवएसु वीयभए नाम नगरे होत्या; उदायणे नाम राया, पभावई देवी। तीसे जेटे पुत्ते अभिई नाम जुव्व-राया होत्था; नियए भाइणेजे केसी नाम होत्था । से णं उदायणे राया सिन्धु-सोवीर-पामो5 खाणं सोलसण्हं जणवयाणं वीयभय-पामोक्खाणं तिण्हं तेवट्ठाणं नयरसयाणं महसेण-पामोक्खाणं दसण्हं रायाणं बद्धमउडाणं विइण्ण सेय-चामर-वायवीयणाणं अन्नेसिं च राईसरतलवर-पभिईणं आहेवचं कुणमाणे विहरइ । एवं च ताव एयं ।
इओ य, तेणं कालेणं तेण समएणं चम्पाए नयरीए कुमारनन्दी 10 नाम सुवण्णकारो इत्थि-लोलो परिवसइ । सो जत्थ सुरूवं दारियं
पासइ सुणेइ वा, तत्थ पञ्च-सया सुवण्णस्स दाऊण तं परिणेइ । एवं च तेण पञ्च-सया पिण्डिया । ताहे सो ईसालुओ एकखम्भं पासायं करेत्ता ताहिं समं ललइ। तस्स य मित्तो नाइलो
नाम समणोवासओ। अन्नया य पञ्चसेल-दीव-वत्थव्वाओ वाणम15 न्तरिओ सुरवइ-निओएणं नन्दीसर-वर-दीवं जत्ताए पत्थियाओ ।
ताणं च विज्जुमाली नाम पञ्चसेला-हिवई; सो चुओ । ताओ चिन्तन्ति कं पि बुग्गाहेमो, जो अम्हं भत्ता भवइ । नवरं वच्चन्तीहिं चम्पाए कुमारनन्दी पञ्च-महिला-सय-परिवारो उवललन्तो दिट्ठो। ताहिं चिन्तियं ‘एस इत्थी-लोलो, एयं दुग्गाहमो' । ताहे 20 सो भणइ - काओ तुम्हे ?' ताओ भणन्ति 'अम्हे हासा-पहासा-भिहा
गाओ देवयाओ। सो मुच्छिओ ताओ पेच्छइ । ताओ भणन्ति 'जइ अम्हेहिं कजं, तो पञ्चसेलगं दीवं एज्जाहित्ति भणिऊण उप्पइऊण गयाओ । सो तासु मुच्छिओ राउले सुवर्ण दाऊण पडहगं नीणेइ ' कुमारनान्दं जो पञ्चसेलगं नेइ, तस्स धण-कोडिं सो
Jain Education International
For Private & Personal Use Only
www.jainelibrary.org
