Page Text
________________
आवश्यक मूलसूत्रम् - १
घोषणमिति गाथार्थः ॥ भावार्थस्तु कथानकादवसेयः, तच्चेदम्-सा य मरुदेवा नवण्हं मासाणं बहुपडिपुणाणं अद्धमाणय राइंदियाणं बहुवीइकंताणं अद्धरत्तकालसमयंसि चित्तबहुलट्टभीए उत्तरसादानक्खत्ते आरोग्गा आरोग्गं दारयं पयाया, जायमाणेसु य तित्थ्यरेसु सव्वलोए उज्जोओ भवति, तित्थयरमायरो य पच्छण्णगभाओ भवंति जरारुहिरकलमलाणि य न हवंति, ततो जाते तिलोयणाहे अहोलोयवत्थव्याओ अट्ठ दिसाकुमारीओ, तं जहा-भोगंकरा भोगवती, सुभोगा भोगमालिनी । सुवच्छा वच्छमित्ता य, पुप्फमाला अनिंदिया ।।
एयासिं आसनानि चलति, ततो भगवं उसहसामिं ओहिणा जायं आभोएऊण दिव्वेण जाणविमाणेण सिग्घमागंतूण तित्थयरं तित्थयरजननिं च मरुदेविं अभिवंदिऊण संलवंतिनमोऽत्थु ते जगप्पईवदाईंए !, अम्हे णं देवाणुप्पिए! अहोलोयवत्थव्वाओ अट्ठ दिसाकुमारीओ भगवओ तित्थगरस्स जम्मणमहिमं करेमो तं तुब्भेहि न भाइयव्वंति, ततो तंमि पदेसे अनेगखं भसयसंनिविट्टं जम्मणभवणं विउब्विऊण संवट्टगपवणं विउव्वंति, ततो तस्स भगवंतस्स जम्मणभवणस्स आ जोयणं सव्वतो समंता तणकटुकंटककक्करसक्कराइ तमाहुणिय आहुणिय एते पक्खिवंति, ततो खिप्पमेव पञ्चुवसमंति, ततो भगवतो तित्थगरस्स जननीसहिअस्स पणामं काऊण नाइदूरे निविट्ठाओ परिगायमाणीओ चिट्ठति । तओ उड्डलोगवत्थव्याओ अट्ठ दिसाकुमारीओ तं जहा -
१०६
मेघंकरा मेघवती, सुमेधा मेघमालिनी । तोयधारा विचित्ता य, वारिसेना वलाहया ||
एयाओऽवि तेनेव विहिणा आगंतूण अब्भवध्लयं विउब्वित्ता आजोयणं भगवओ जम्भवणस्स चोदयं णाइमट्टियं पफुसियपविरलं रयरेणुविनासणं सुरभिगंधोदयवासं वासित्ता पुप्फवद्दलयं विउव्वित्ता जलथलयभासरप्पभूयस्स विंटट्ठाइस्स दसद्धवण्णस्स कुसुमस्स जाणुस्सेधपमामेत्तं पुप्फवासं वासंति, तं चैव जाव आगायमाणीओ चिट्ठति । तओ पुरच्छिमरुयगवत्थव्वाओ अट्ठ दिसाकुमारिसामिणीओ, तं जहा
नंदुत्तरा य नंदा आनंदा नंदिबद्धणा चेव । विजया य वेजयंती जयंति अवराजिया चेव ||
तवागतूण जाव न तुभेहिं बीहियव्वंति भणिऊण भगवओ तित्थगरस्स जननिसहिअस्स पुरिच्छिमेणं आदंसगहत्थिआओ आगायमाणीओ चिट्ठेति । एवं दाहिणरुयगवत्थव्वाओ अट्ठ, तं जहा
समाहारा सुप्पदिन्ना, सुप्पबुद्धा जसोहरा । लच्छिमती भोगवती, चित्तगुत्ता वसुंधरा ॥
तवागतूण जाव भुवगणाणदजणणस्स जणणिसहिअस्स दाहिणेणं भिंगारहत्थगयाओ आगायमाणीओ चिट्ठति । एवं पच्छिमरुयगवत्थच्चाओऽवि अट्ठ, तं जहा
Jain Education International
इलादेवी सुरादेवी, पुहवी पउमावती । एगनासा नवमि, सीया भद्दा य अट्ठमा ||
For Private & Personal Use Only
www.jainelibrary.org
| SR No. | 003377 |
| Book Title | Agam Sutra Satik 40 Aavashyak MoolSutra 1 |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 808 |
| Language | Prakrit, Sanskrit |
| Classification | Book_Devnagari, Agam, Canon, Agam 40, & agam_aavashyak |
| File Size | 16 MB |