________________
दशा - ५, मूलं - २०, [नि ३५ ]
भवति दुक्खति वा कम्मति वा एगहं । सारीरमानसं वा दुक्खं संसारिगं वा विविधमनेकप्रकारं मुच्चति विमुच्चति । मू. (२१)
२९
पंताइं भयमाणस्स विचित्तं सयनासनं । अप्पाहारस्स दंतस्स देवा दंसेति तातिणो ।
चू. पंताणि आहारादीनि ३ । भज सेवायां विवित्त इति पसु-पंडगविरहितानि जीवेहिं वा विवित्तं, विचिर्पृथग्भावे विवित्तानि सयणासणानि । अप्पाहारो दंतो-इंदियणोईदिएहिं । कतरे देवा, जेहिं तेनैव प्रकारेण देवत्तं लद्धं, तातिणो- आत्मत्राती परत्राती उभयत्राती । सव्वकामविरत्तस्स खमतो भयभेरवं ।
पू. (२२)
तओ से ओहिनाणं भवति संजतस्स तवस्सिणो ।।
धू. सर्वे कामाः शब्दादयः इह - लोगिका पारलोगिका य विरत्तो-ण तेसु रागं गच्छति । खमति मरिसेति सहतीत्यर्थः । भयमेव भैरवं भयमेरवं । अहवा भयं जं किंचित् भेरवा सीहवग्घपिसायादी खमति-सहति । उवसग्गा चउव्विधा वि । ततो तस्सेवं गुणजातीयस्स ओहिनाणं भवति । केरिसस्स? संजतस्स | पुढवादि १७ बारसविहे य तवे आसि तस्स । पू. (२३)
तवसा अवहडऽच्चिस्स दंसणं परिसुञ्जति । उड्डमहेतिरियं च सव्वं समनुपस्सति ॥
चू. 'तवसा अवहट्टुलेसस्स' सिलोगो । द्वादशप्रकारेण तपेण तपसा अपहृता असोभना लेसा कण्हलेस्सादि ३ द्रव्यार्चिर्वाह्नशिखा, दंसण - ओहिदंसणं परिसुज्झति । विसुज्झति तेन किं पस्सति ? उच्यते-उड्डलोगं अहो लोगं तिरियलोगं च परसति, जे तत्थ भावा जीवादि कम्पाणि वा । जेहिं तत्थ गम्मति सर्वात्मना सव्वदिसं वा ।
मू. (२४)
सुसमाहितलेसरस अवितक्कस्स भिक्खुणो ।
सव्वओ लोगमलोगं च जिनो जानति केवली ॥
चू. सुसमाहडलेसस्स सिलोगो । सुदुसमाहितातो लेस्सातो जस्स स भवति सुसमाहडलेसो ते उपम्हसुक्कतो । अक्तिक्कस्स तक्का वीमंसा जहा भिक्खुणसीलो भिक्खू, सव्वतो विष्पभुक्कस्स अब्भिंतरसंजोगा बाहिरसंजोगा य तेन सव्वेण विप्पमुक्कस्स । अज्ञानमेव पञ्चवेति भावान् जानीते। केरिसस्स केवलनाणं भवति ? उच्यते
मू. (२५)
जता से नाणावरणं सव्वं होति खतं गयं ।
तदा लोगमलोगं च जिनो जानति केवली ॥
चू. 'जता से नाणावरण ० ' सिलोगो कंठो। केरिसस्स केवलदंसण उप्पज्जति । उच्यतेमू. (२६)
जया से दंसणावरणं सव्वं होइ खयं गतं । तया लोगमलोगं च जिनो पासइ केवली ॥
घू. जता से दंसणावरणं० सिलोगो कंठो । पू. (२७)
पडिमाए विसुद्धाए मोहनिजे खयं गते । असेसं लोगमलोगं च पासति सुसमाहिए।
चू. 'पडिमाए विसुद्धाए० ' सिलोगो । पडिमत्ति- जाओ मासिगादिबारस भिक्खूपडिमातो।
Jain Education International
For Private & Personal Use Only
www.jainelibrary.org
